بقلم شريف الهمامى
رب العباد جعل ف السما الجنه
وفى الارض الرحمه
وانتى ياامه مكتوبلك الاتنين
ياضحكة مرسومه ع الجبين
يالل حضنك دفا
دفينى من الأيام
يالل دعاكى شفا
بيشفينى من الأوهام
ياام نبضات قلب مسموعه
بترن فى ودانى
يالل همومك دايما كتومه
وبتشيلى عن احزانى
نفسى اشيل عنك وجعك
ترجعى تشيلى عنى من تانى
سيبينى ارد ليكى ف يوم جميلك
يالل ساكنه فى كل حته من وجدانى…
#أمى_نبض_حياتى
