الحلقة الاخيرة
بقلم جهاد مجدي
مر الاسبوع سريعا و جاء اليوم الذي ذهب فيه حسام و فريدة لخطبة حبيبة ……
كانوا يجلسون في الصالون …..
ادهم ” انا هسيبكم نص ساعة تتكلموا مع بعض شوية “
نظرت له حبيبة بتوتر لاحظه ادهم فقال ” متخافيش يا حبيبة الباب مفتوح و انا قاعد قريب منكم و بعدين انا واثق فيكي و واثق في حسام “
خرج ادهم و جلس في مكان بعيد عنهم نسبيا و قامت فريدة مع ندى …
لاحظ حسام توتر حبيبة و انها تنظر الى الارض فقال بمزاح ” طيب انتي هتفضلي باصة طول النص ساعة عالسجادة كدة “
ظلت حبيبة متوترة فقال حسام بجدية ” طيب ممكن ترفعي راسك عشان نتكلم جد شوية “
رفعت حبيبة رأسها و قالت بصوت مبحوح ” خير “
حسام بابتسامة ” المفروض انك تسألي اي حاجة انتي عاوزة تعرفيها عني “
حبيبة و قد تخلت عن بعض من خجلها ” طب قبل الاسئلة المعتادة في سؤال لازم اعرف اجابته لان هيترتب عليه كلامنا الجاي كله “
حسام ” قولي اللي انتي عاوزاه انا سامعك “
حبيبة ” علاقتك مع ربنا عاملة ازاي ؟”
ابتسم لها حسام باعجاب و قال ” انا الحمد لله مبفوتش فرض و كل صلاتي في المسجد و حافظ 15 جزء من القرآن و بحاول على اد ما اقدر احافظ على السنن و النوافل “
تنهدت حبيبة بارتياح و قالت ” طيب ليه سبت خطيبتك الاولنية ؟ “
حسام ” كدة كدة انا كنت هسيبها من يوم ما اكتشفت اننا مننفعش لبعض من قبل موت بابا باسبوع بس جت ظروف مرضة و بعد كدة وفاته و دخول فريدة حياتي و الاحداث اللي مرينا بيها خلتني أأجل الخطوة دي “
حبيبة ” انا مسألتكش كنت ناوي تسيبها امتى …. انا سألتك سيبتها ليه “
ابتسم حسام و قال ” اسئلتك ذكية يا حبيبة بس هجاوبك عليها …. انا سبت بيري عشان بعد ما عرفتها بفترة حسيت ان مش هي دي اللي بتمناها …. اكتشفت انها واحدة غير مسئولة حتى عن نفسها ازاي تبقى مسئولة عن بيت و اسرة و اولاد ازاي تبقي مسئولة تربي ولادي زي ما انا عايز …و اكتشفت طمعها فيا رغم انها من عيلة كبيرة و مش محتاجة و اتأكدت من كدة بعد موت بابا خصوصا لما عرفت ان فريدة هتورث معايا ….بصي يا حبيبة عشان تطمنى ان انتي مش مرحلة نسيان بيري انا عايز اقول لك ان حبي لبيري انتهى على مراحل مش مرة واحدة يعني حبي ليها فضل يقل بالتدريج لحد ما انتهى ….. و بعدين انا مش مراهق و لا عيل عشان معرفش احكم على مشاعري اذا كانت حب حقيقي و لا لا …..ها في اسئلة تاني ؟ “
حبيبة ” اخر سؤال “
حسام ” اتفضلي “
حبيبة بتردد ” اشمعنى انا ؟ “
كاد حسام ان يرد لولا دخول ادهم ….
ادهم ” انا بقول كفاية كدة “
قال حسام موجها كلامه لحبيبة ” هجاوب على سؤالك بس يا ريت تاجليه شوية “
استأذنت حبيبة الى الغرفة التي يجلس بها ندى و فريدة و بمجرد دخولها …..
فريدة ” قولي حالا ايه اللي حصل بالتفصيل “
حبيبة ” تفصيل ايه بالله عليكي اتنيلي انا كنت حاسة ان هيغمى عليا “
فريدة ” يعني اخويا نجح في الامتحان اللي كان كل عريس يطفش بسببه ؟ و خرج من المفرمة سليم ؟ “
حبيبة ” ده انا كنت خايفة ان انا اللي اتفرم “
فريدة بفرح ” قشطة جدا يعني قريب هقول لك يا مرات اخويا “
هنا طرق ادهم الباب و دخل قائلا ” ايه يا حبيبة العريس مستني الرد “
اطرقت حبيبة برأسها الى الاسفل خجلا و قال ادهم بفرح ” يبقى السكوت علامة الرضا …. طب يلا كلنا نخرج عشان حسام عاوز نقرأ الفاتحة النهاردة “
حبيبة ” بالسرعة دي ؟! “
فريدة ” سرعة ايه بس يا عروسة يلا بقى “
خرجت حبيبة مع اخيها و زوجته و هي في قمة خجلها ثم اتبعتهم فريدة
عندما رأي حسام خجل حبيبة و فرحة فريدة و ادهم تهلل وجهه و ابتسم بارتياح ….
قرأوا الفاتحة ثم استطرد حسام قائلا ” انا بقول تبقى فترة الخطوبة لحد ما فريدة تخلص امتحاناتها و بعد نتيجتها نعمل كتب الكتاب و بعدها بشهر نعمل الفرح “
ادهم ” مش بسرعة كدة يا حسام “
حسام ” ولا بسرعة و لا حاجة انا كنت ناوي اخلي كتب الكتاب و الفرح بعد امتحانات فريدة على طول بس قلت استني شوية عشان فريدة تكون خلصت امتحانات و تقدر تنزل مع حبيبة يشتروا اللي ناقصهم “
ادهم ” رأيك ايه يا حبيبة “
حبيبة ” اللي تشوفه يا ادهم “
حسام ” يبقى على بركة الله “
ادهم بغل مصطنع ” ماشي يا حسام اخدت مني اغلي واحدة عندي بس وديني لاوريك ايام سودة لو جات في يوم تشتكي منك “
حسام ” متقلقش يا ادهم حبيبة في عنيا هعاملها زي ما احب ان اللي هيتجوز فريدة انه يعاملها “
ابتسم ادهم بارتياح و قال ” و انا متاكد من ده “
تلك هي الايام تمر بطيئا عندما نحزن ….. و تمر سريعا عندما نفرح …. و تمر بملل عندما ننتظر ….. فمرور الوقت و الايام يتناسب عكسيا مع ما نريد …… فتمر الايام ببطء كأنها شهور و سنين عندما نريدها ان تمر بسرعة في وقت الحزن ….. و تنقضي بسرعة البرق و كأنها ساعة واحدة عندما نريدها الا تنتهي في وقت الفرح …….. و نشعر ان الساعة تتوقف و الايام لا تمر عندما ننتظر حدوث شيء ……..
هكذا مرت الاوقات على ابطالنا …..
-حسام تمر عنده الايام ببطء كانها تعانده و لا تريد ان تنتهي فهو يريد ان يجمعه منزل واحد مع حبيبة …..
-و تمر الايام بملل عند فريدة فهي تريد ان تنهي دراسة الثانوية فقد ملت المذاكرة و الدروس و كل شيء فهي تريد ان تكون مع حبيبة في جميع تجهيزاتها …..
-اما عند حبيبة تمر الايام بسرعة البرق فهي مشغولة الي اقصي حد بتجهيز بعض احتياجاتها بسعادة عارمة …….
في تلك الفترة ازداد اقتراب حبيبة من حسام و تعلقت به اكثر و هو زاد حبها في قلبه اكثر و اكثر و اصبح كلاهما في اشد الشوق ان يجمعهما منزل واحد ….
الذهب الخالص يجذب الانتباه و يشدك اليه و تسرع لشرائه مهما كان ثمنه فهو في نظرك سلعة نفيثه لا تحتاج لان يقنعك بها احد فبريقه من الخارج و الداخل يبهرك و لا يحتاج لان يتجمل بمواد لامعه ….. كذلك الفتاة العفيفة فهي تجذب انتباهك من اول وهلة تجعلك تسرع لان تكون لك فهي تجذبك باخلاقها و دينها و حيائها فهي جميلة و عفيفة من الداخل و الخارج و لا تحتاج لادوات تجميل لتلفت نظرك و انتباهك لانها قبل ان تلفت نظرك فقد لفتت قلبك و سلبت عقلك ثم تملكت من جميع حواسك فنور ايمانها طاغ على وجهها ……
اما الفتاة التي تتنازل عن اخلاقها و مبادئ دينها مثلها مثل ذهب القشرة يجذيب عينيك فقط فهو لامع من الخارج لكنه ليس له بريق من الداخل فهي تزينت بادوات التجميل لتخفي قبح قلبها الطاغ على وجهها …
فكانت العفيفة هي حبيبة التي فازت بقلب و عقل حسام و تملكت من كل كيانه ….
اما بيري فاصبحت سلعه رخيصة و اليوم يتم زفافها الي رجل يكبرها بخمس و عشون عاما دفع مهرها من مئات الالوف ليشبع رغبته الحيوانية بتملك فتاه تصغره في العمر …. و هي وافقت عليه من اجل امواله الطائلة فحقا …. #واسفاه على فتاه اعمي الطمع عينه و الغي عقلها و امات قلبها ……
———————————————————————
مرت ايام اخري كانت اسرع من منوالها المعتاد ….. فانتهت فريدة من امتحاناتها و بدأت في النزول مع حبيبة لاختيار فساتين كتب الكتاب و في يوم ….
دخل حسام على فريدة غرفة النوم و ايقظها بهدوء فقامت مفزوعة ” ايه .. مين ؟ “
حسام و هو يربت على رأسها بحنان ” متخافيش يا حبيبتي تهدي بس انتي من يوم ما اتخطفتي و انتي لو حد صحاكي من النوم بتقومي مفزوعة “
فريدة بخوف ” غصب عني يا حسام انا كنت بخاف انام لحد يقرب مني ربنا ما يعودها ايام “
حسام بحنان ” يا حبيبتي هم خلاص اتقبض عليهم كلهم و محدش هيقدر يقرب منك تاني طول مانا عايش هفضل دايما ضهرك اللي يسندك و يحافظ عليكي هبقى دايما صاحبك و اخوكي و ابوكي “
فريدة ” تعرف يا حسام اول ما جيت البيت ده كنت بكرهه اوي و كنت بخاف و انا فيه … دلوقتي انا بقيت خايفة اصلا اخرج منه “
حسام ” شوفتي بقى نستيني اللي كنت جاي اقوله لك … نتيجتك ظهرت يا هانم قومي نشوفها “
انتفضت فريدة من مكانها و توجهت الى جهازها قائلة ” كل ده ساكت يا حسام و متقولش حرام عليك انا مستنياها “
هنا رن هاتف حسام فرد بابتسامة ” الو ….. صباح الفل ……. اه مانا عارف ….. طيب ….. لا لا انا هتصرف “
فريدة ” مين يا حسام “
حسام ” متشغليش بالك افتحي الموقع يلا و هاتي رقم جلوسك “
فتحت فريدة الموقع و كتبت رقم الجلوس ” حسام تعالى انت شوف مش عايزة اشوفها انا “
حسام ” لا يا فريدة محدش هيجيب نتيجتك غيرك انا واثق انك هتجيبي مجموع كويس و تدخلي الكلية اللي نفسك فيها “
فريدة برجاء ” حسام عشان خاطري “
حسام باصرار ” لا يا فريدة والله ما حد هيجيبها غيرك و لو فضلتي تزني اكتر من كدة هخرج من الاوضة خالص “
فريدة ” لا لا عشان خاطري متسبنيش “
حسام ” طب يلا “
ضغطت فريدة على الزر و ظهرت النتيجة صرخت فريدة و قالت بفرحة ” حسام ده اسمي صح ؟ …. اتاكد من رقم الجلوس عشان خاطري ….. انا نجحت يا حسام ؟ هحقق حلم بابا ؟ ؟ “
حسام و هو يحتضنها ” ايوة يا فريدة ده اسمك يا حبيبتي و اتاكدي ان دي درجتك انا نتيجتك جات لي من الكنترول بنفس الدرجة 97.5 % مبرووك يا فريدة “
فريدة بدموع الفرحة ” هدخل الكلية اللي انا عاوزاها يا حسام “
حسام ” فنون جميلة يا فريدة “
فريدة ” حبيبة انا عاوزة اطمنها “
حسام ” هي شافتها قبل منك عالنت و اتصلت بيا ة قالت لي هي اللي كانت معايا دلوقتي ”
فريدة ” امال ليه صممت ان انا اللي اجيبها “
حسام ” عشان عايز يكون عندك ثقة في ربنا اولا ثم نفسك و مجهودك ثانيا “
———————————————————————
اليوم هو عقد قران اثنين الف الله بين قلوبهم دون ادنى مصالح …. اثنين طلبا حلال الله فسهل الله لهم امرهم ….
تألقت حبيبة بفستانها الموف الهادئ و عليه حجاب زاد من جمالها ….
و تألق حسام ببذلته السودا … اما حبيبة فتلألات بفستانها الوردي الذي اظهر جمالها و عليه حجابها الرمادي ممتزج به اللون الوردي ….
انتهي عقد القران بقول حسام جملة ” قبلت زواجها ” فاصبحت حبيبة هي حبيبته و زوجته التي فضلها عن كل النساء و اصبحت ملك له وحده
بعدها خرجت حبيبة بصحبة حسام حسام الى الخارج سالته حبيبة بخفوت ” ممكن اسالك سؤال ؟ “
حسام بابتسامة عذبة ” طب ممكن تعلي صوتك شوية و تبطلي كسوف انا مبقتش حد غريب انا بقيت جوزك “
حبيبة ” معلش لازم اتعود الاول “
حسام ” ابوس ايدك ارحميني احنا قعدنا 3 شهور مخطوبين كنت بكلمك في التليفون عرفت كل حاجة عنك و عرفتك كل حاجة عني ايه لازمة انك تتكسفي من جوزك بقى “
حبيبة بغيظ ” ممكن تبطل كل شوية تقول لي جوزك جوزك انا عارفة خلاص و ممكن بقى اسال السؤال “
حسام ” انا حفظتك في ال3 شهور دول طالما اتغاظتي كدة يبقى فكيتي و ده اللي انا عاوزه اسالي بقى براحتك “
حبيبة ” هو سؤال كنت كل ما اساله لك تاجله “
حسام ” انا عارفه بس حابب اسمعه منك “
حبيبة بغيظ “طيب اشمعنى انا “
حسام ” هتعرفي انا ليه اجلته لما تعرفي اجابته “
حبيبة ” طب بالله عليك قول بقى “
حسام ” عشان بحبك يا حبيبة “
الجمت الاجابة حبيبة و قالت بخجل ” هو انت لحقت ؟ “
حسام ” يا حبيبتي الحب مش بمعاد دي غريزة ربنا بيخلقها جوانا لشخص معين و اول ما نقابله بتظهر على طول و ده اللي حسيته معاكي من اول مره شفتك فيها يوم جنازة بابا …. تعرفي ايه اكثر حاجة شديتني ليكي “
حبيبة ” ايه ؟”
حسام ” حنانك على فريدة شوفت في عينك نظرة لحبيبة حسيت فيها ان فيكي حنية الدنيا كلها و ساعتها قلبي دق بطريقة مدقش بيها قبل كدة خالص “
سالت حبيبة مختبرة ” طب ليه مقولتليش الكلام ده قبل كدة ؟”
ابتسم حسام و قال ” عشان مكنتش عاوز اي حاجة في علاقتنا تكون حرام … مكنتش عاوز نغضب ربنا في اي حاجة عشان ربنا يبارك لنا و في نفس الوقت تجنبت كل الاخطاء اللي عملتها في تجربتي مع بيري “
حبيبة بغيرة ” ممكن متجيبش سيرتها تاني قدامي “
حسام ” حاضر مع ان شكلك بيبقى زي القمر و انتي غيرانه “
حبيبة ” اقول لك على سر “
حسام ” قبل السر عاوز اعرف انتي حبتيني و لا لا و لو اجابتك اه عاوز اعرف امتى بالضبط “
حبيبة ” مهو ده السر ….. يوم ما جيت لنا البيت بعد ما فريدة اتخطفت و اتكلمنا مع بعض و شوفت دموعك نازلة من الحزن و الخوف على فريدة حسيت ان قلبي واجعني اوي و كنت هعيط معاك و يومها باليل بعد ما صليت العشاء جيت لي في الحلم و اديت لي كوبيتين لبن و كان معاهم تمرتين خليتني كلت واحدة و انت كلت التانية و كان طعمه حلو اوي قمت من النوم و انا جاسه اني مرتاحة اوي من الحلم ده و طعم التمر كان لسه في بقي “
حسام بحب ” انا بجد بحبك اوي يا حبيبة “
صمتت حبيبة و انزلت رأسها الى الارض خجلا ….
———————————————————————
” معلش يا حسام انا مش موافقة “
قالت فريدة هذه الكلمات لحسام …..
حسام ” انا مش هغصب عليكي حاجة يا فريدة بس لازم اعرف الاسباب عشان اقولها لشادي “
فريدة ” مش موافقة و خلاص يا حسام “
حسام ” يا فريدة الراجل مغلطش هو دخل البيت من بابه و طالبك في الحلال “
فريدة ” ماشي يا حسام انا هقول لك كل الاسباب “
ثم اكملت باقتناع ” اولا انا لسه صغيرة على الموضوع ده مش سنه خالص …. ثانيا اني اصلا مش بفكر في الموضوع ده لاني مش عاوزة اي حاجة تشغلني عن دراستي …. ثالثا بقى و ده الاهم اني عندي طموح كبير اوي نفسي اني احققه في دراستي و شغلي بعد كدة …. لكن موضوع الجواز ده مش في دماغي خالص لانه مينفعش….. و لو انت عاوز تبقى براحتك في البيت مع حبيبة انا ممكـن ارجـ….”
قاطعها حسام بعصبية و قال ” الموضوع ده ميتفتحش تاني يا فريدة ده بيتك زي ماهو بيتي و لو كنت فاتحتك في موضوع شادي عشان هي دي الاصول كان لازم اقول لك و اعرف رايك عشان حقه اني اقول له “
زفاف حسام و حبيبة في احد فنادق القاهرة لم تبالغ حبيبة في وضع ادوات الزينه فقط اكتفت بما يعطيها رونق العروس فقد زينها خجلها و جملها حيائها و كان حجابها تاج على راسها فاصبحت ملكة متوجة على عرش قلب زوجها الحبيب …..
اما فريدة فقد كانت اميرة بفستانها الازرق اللامع الذي ابرز جمال وجهها فقد كان الفستان مناسب للون وجهها و عينها …..
——————————————————————
*مرت اربع سنوات انجب فيها حسام و حبيبة يوسف و مريم و كانوا يعيشون حياة هادئة لكنها لم تخلو من المشاكل لكن بحبهم و رغبتهم في العيش معا استطاعوا اجتيازها …..
*تخرجت فريدة من كليتها بتقدير امتياز لمدة اربع سنوات و كان لها حق التعين كمعيدة بالجامعة لكنها رفضت و فضلت العمل بما درست و ان تعمل لتحقق حلمها و حلم ابيها و اخيها و لم ياتي نصيبها بعد …..
*تزوج شادي من ابنة خالته فقد احبها و نسي فريدة عندما اخبره حسام بردها و علم انها لم تكن الحب الذي يستطيع ان يبني عليه اسرة لانه الحب الاول …..
*تزوج عمرو من صديقة حبيبة بعدما اعجب باخلاقها و انجبا عمر و عمره سنة واحدة …..
*بيري اصبحت سلعة رخيصة تزوجت ثلاث مرات من رجال يكبروها في السن و كلما مات رجل ذهبت لاخر فاصبحت بلا قلب او احساس مجرد جسد لمتعة من يدفع اكثر في صفقة زواج …..
#اعترافات
*انتهت قصة اخ و اخت لكن هناك الالاف من الاخوة و الاخوات يعيشون معا تحت سقف واحد و لا يعرفون لكلمة الاخوة معنى …..
*#حسام مكنش ينفع تعاقب فريدة عشان حاجة هي ملهاش ذنب فيها هي اخر واحدة كان ممكن تكرهها و مفقتش الا لما اتهددت بفقدانها و لما عدوك عرف نقطة ضعفك قبل منك ……
*#فريدة تعبتيني جدا و انا بكون شخصيتك من كم المآسي اللي شوفتيها في حياتك بس في نفس الوقت احييكي على قوتك لانك رغم كل اللي مريتي بيه وصلتي لهدفك و حلمك و مخلتيش حاجة تمنعك عنه …..
*#حبيبة بجد انتي اكتر شخصية بحبك في القصة دي انتي اللي ينطبق عليكي قول ( بروحي فتاة بالعفاف تجملت ) رغم حبك لحسام مظهرتيش ده لانك عارفه انه حرام بس ربنا كافئك و خلاه حلالك .
*#بيري طمعك خلى نهايتك في الاخر مجرد سلعة رخيصة بيتباع و يشتري فيها ….. بجد مش لاقية كلام اقوله عنك اكثر من كده
