يا روايح الزمن الجميل
ناس حلوه خضره نسيم عليل
بال هادي رايق متسلطن
عايش حياته و متمكن
رغم البساطه عايش ملك
و سعادته كل ما يمتلك
يطلع نهاره يقوم يسعى
يزرع و يحصد و يرعى
ما هو مصري أصيل
شااارب م النيل
سادد عين الشمس بخيره
و دايما خيره على غيره
يربي الحق في ولاده
و ماشي على نهج اجداده
و الجو حواليه بيساعده
و كله قلبه على بعضه
إيد واحه نبني و نعمر
نتفرق لازم نتأخر
و شاهد علينا شجر التوت
و النخل و المزارع و البيوت
لازم نواصل و نكمل
نصبر نعافر نستحمل
رغم الصعوبات بكره هنوصل
بقلم
إخلاص عبد المحسن
