أقوى دمعة
ــــــــــــــــــــــــــــــــــــــــــــــــــ
بقلم / محمد عبد النبي محمود
أقوى دمعة بكيتها عينى … ع اللى كان بيقول حبيبى
أنا اللى عشت ايام سنينى … بحلف واقول هيكون نصيبى
مكتوب على عينى تبكى دمعة على اللى باع
وازاى يادموع هترجعى حقى اللى ضاع
لا أنا كنت افكّر إنه يقدر يوم يبيع
ولا كنت اصدّق عينيه تقولى خلاص وداع
قالت عينيه وداع بقى … مش قادرة اكمل ف الحكاية
هانت عليه أيام لقى … وياقلبى هيه دى النهاية
يمكن يلاقى قلب غيرى يخاف عليه
ساعة فراقه صعب يلقى دمع فى عينيه
هبعد ياقلبى من الأوجاع … وامحى بإيدى قصة خداع
همحى بإيدى قصة خداع
مكتوب على عينى تبكى دمعة على اللى باع
وازاى يادموع هترجعى حقى اللى ضاع
لا أنا كنت افكّر إنه يقدر يوم يبيع
ولا كنت اصدّق عينيه تقولى خلاص وداع
بقلم / محمد عبد النبى محمود
