بقلم محمد عبد النبى محمود
وردة جميلة هوصفها
بتفتح ف دنيا الحـــــــب
نفسى ياعمرى اقطفها
وارويها بنبض القلـــب
واقول للعاشقين شايفين
أنا وقلبى بنحب ميــن
قالولى يابخت قلبك حبّك
بيروى زهرة من الياسمين
وعشان كده خلاص أنا دوبت
وعـن ورد الـجنـايـن تـبت
هيـّــه وردة يا ناس خــلّتنى
افرح لقلبى واقوله عـشقـــت
ياريت اقدر اعيش واحميها
ومن حبّى وحنانى ارويها
تكبر وتسعد قلبى وعمرى
دى لو دبلت هموت
بعديها
ويارب ارزقنى بس يارب
ويارب ارزقنى بس يارب
اعيش ويّاها قصة حـــب
بتحكى شوقى وحبّى لوردة
عطورها تسقى وتحى القلب
وعشان كده خلاص أنا دوبت
وعـن ورد الـجنـايـن تـبت
هيـّــه وردة يا ناس خــلّتنى
افرح لقلبى واقوله عـشقـــت
فرحان يا قلبى لأنى عشقت
