مع خبيرة التغذية/ إيمان عبد الرحمن
هنبدأ كلامنا بأصعب مشكلة بتقابلنا في رحلة الرشاقة
ميزانك ثابت لكن مقاس ملابسك اصبح أقل
انك تخسى مقاسات ده معناه انك بتحرقى دهون
يعنى لما تخسى مقاسات وثابتة ع الميزان ماتزعليش لان دى حاجة كويسة
الفرق فى نسبة كتلة الدهون وكتلة العضلات فى الجسم
عايزة تعرفى ازاى تنسفى الدهون وتحصلى على جسم مثالى تابعي مقالي دايمآ.
زي ما اتكلمنا في المقالات السابقة
لازم نبدأ ناكل اكل صحي وغني بالالياف
الشوفان من الالياف اللي مهم تعتمديها في نظامك الغذائي
وعشان يكون وجبة متكامله تقدري تفطري بيها بنضيفله مجموعه عناصر غذائية
مثلآ،
شوفان وشعير مع فواكه مجففه ومكسرات
ممكن تعمليه في البيت بسهولة
المكونات :
1- علبه شوفان نص كيلو ١٦٥٠ سعر وممكن نحمص نصفهم ونسيب نصفهم مش محمص .
2- ١٠٠ جرام زبيب ٣٠٠ سعر
3- ١٠٠ جرام جوز هند مبشور ٣٥٠ سعر
4- ١٠٠ جرام لوز او فول سوداني مش مملح وتكسره ٥٧٥ سعر
– الإجمالي كده :
– ٨٠٠ جرام = ٢٨٧٥ سعر حراري
يبقي ال
– ١٠٠ جرام ٣٥٩ سعر حراري بظبط
وبنضيفله لبن حسب الرغبة وطعمه رائع
بالنسبة للاشخاص معدومي الحرق ولما بيعملو دايت مبيخسوش لازم نعمل تحاليل للغدة ونتأكد من tsh و t3 ,t4
وكمان تحليل لڤيتامين D.
تابعوني وانتظروا مقالي القادم لنتحدث عن
شبح ثبات الوزن وكسل الغدة الدرقية وزيادة الوزن
مع تمنياتي لكم برشاقة دائمة
خبيرة التغذية/ إيمان عبد الرحمن
رئيس قسك صحتك بالدنيا / نهي علي
