الحلم مش حقنا

قالوا الحلم مش من حقنا
قالوا أتغير شكلنا
قالوا قاعدين نستنى الموت
قلت كلامكم مش مظبوط
إن كان علي الحلم
حاحلم كتير
وإن كان على الشكل
أهو تغيير
أما الموت ياحلوين
ده بأيد رب العالمين
ومش بس احنا منتظرين
دا أنا وانتوا والبنى أدمين
بصراحة أنتوا مش فاهمين
ده مرضنا هدية من رب العالمين
واحنا زينا زيكم عايشين
ولا عنكم حاجة ناقصين
بنحلم ونحقق أحلامنا
عايشين أهدافنا قدامنا
مرضنا مش فارق معانا
ولا حتي النفسية تعبانة
ده ايمانا بالله خلانا
كل يوم نقوى من جوانا
طب ليه قلتوا كده عنا
ياريت تسيبونا في حالنا
ده أحنا ال علمناكم القوة
و أحنا ال غيرناكم من جوه
بلاش بكلامكم تهدونا
وفاكرين قال كده بتصبرونا
سيبونا كده عايشين
لحياتنا مستمتعين
ولنا في الأخرة جزاء الصابرين
احنا بحياتنا مبسوطين
وفي الجنة تلاقونا واقفين
ياريت تفهموا ياحلوين
رسالة المرضي الصابرين

حور سعيد