2054208194886930964305459023536687124329124620425345324432245227212526005525430010231005910972575227800005423858567245242500231905922702611555

1/09/2018

نوبات الغضب عند الاطفال



كتبت شيرين محمد مدربة تربية إيجابيه معتمده
اتكلمنا في المقالات السابقه عن كيفية عمل عقل الطفل و عرفنا ايه اللى بيحصل في عقل اطفلنا وقت نوبة الغضب وعرفنا كمان كيفية التعامل مع نوبات الغضب هنتكلم فى المقال ده ازاي نعلم اولدنا مهارة ادارة الغضب بعد لما عملت تعريف المشاعر Validate feeling ياه انت مضايق عشان كذا... انت غضبان (ومهم جدا نسمي الشعور عشان يعرف اسم الشعور اللي حاسس بيه.... ويعرف بعد كده يعبر عن مشاعره)ليك حق تضايق انا لو مكانك كانت هتضايق طيب عشان تهدى دلوقتى تحب تاخد بوسه وله حضن(في اطفال مش بيحبوا نكلمهم او حد يتعامل معاهم وقت نوبة الغضب ده بيعصبهم اكثر خلاص هتفضلي جنبة وتقوليلو انا جنبك لو محتاج لحضن واياكي ان تتجاهليه افضلي جنبه لغاية لما يخلص نوبة الغضب)

ودي اول خطوه التعامل مع الشعور كل اللى مطلوب منك فى الوقت ده تعريف مشاعر و بعد كده هنتستني لما يهدي خالص بعد تعريف المشاعر وممكن بقي تاني يوم... هنبدأ بقي نتكلم معاه.. نسأله بقي اسألة الفضول القائمة علي المحادثة

هاه هو ايه اللي حصل ؟

وتسبية يحكي الموقف

طب تفتكر ايه سبب اللي حصل ؟

طب حاسيت بايه ساعتها؟

طيب تعرف اننا وقت لما نكون مضايقين او غضبانين ممكن نعمل شوية حاجات تساعدنا اننا نهدي

هيقولك نعمل ايه ياماما

قوليلو نتحرك وقت لما نكون مضايقين او ننط او نجري 

ممكن ناخد نفس عميق ونطلع براحة ده هيساعد الاكسجين يوصل للمخ فنهدي

تفتكر ممكن نعمل ايه كمان 

ممكن هو بقي يقولك ارسم ... الون 

ممكن نقعد في ركن الهدوء ( دي اداه من ادوات التربية الايجابية هنخدها بالتفصيل إن شاء الله) 

ممكن لو متعصب وعايذ تضرب تضرب في مخده

و ممكن نعمل عجلة ونحط فيها كل الاختيارات ( ودي كمان اداه حلوه جدا هناخدها وهي عجلة الغضب)

وقت بقي لما يغضب تديله اختيارات تحب تقعد في ركن الهدوء وله تختار حاجة تهديك من عجلة الغضب

وكده انتي علمتية مهاره ادارة الغضب وطبعا دي مهاره بتحتاج وقت وتدريب لغاية لما يتقنها يعني لما يتعرض لنوبة غضب تانية متقوليش خلاص انا علمته هو بقي يتصرف ولازم كمان هو يشوفك لما بتتعصبي او بتتنرفزي بتطبقي ده علي نفسك وتنقي من عجلة الغضب او تقعدي في ركن الهدوء بتاعك لازم تنفذي الخطوات دي عليكي .... مينفعش اطالبهم بحاجة انا مش بعملها 

طيب في نقطة مهمة اوي لو فقدتي اعصابك لما الطفل يكون في نوبة غضب لازم تعتذريله

طيب الخطوات دي تناسب الاطفال فوق سن الثلاث سنوات ...طيب الاصغر من ثلاث سنوات هتعامل مع نوبات الغضب ازاي .... تعريف مشاعر ( وانزل علي ركبتي وعيني تبقي في عين الطفل واقوله محتاج حضن و اطبطب عليه) ... وبعد تعريف المشاعر ... الالهاء طيب تيجي نلعب باللعب
التعليقات
0 التعليقات

كافة الحقوق محفوظةلـ سحر الحياة 2016
تصميم : أر كودر I تعديل: حنين