2054208194886930964305459023536687124329124620425345324432245227212526005525430010231005910972575227800005423858567245242500231905922702611555

3/29/2018

إللي بتزرعة دلوقتي هتحصده بعدين



إللي بتزعة دلوقتي هتحصده بعدين



بقلم : ايهاب سعيد

لازم تعرف إن أي حاجه بسيطة إنت بتعملها دلوقتي تأكد إنها هتعمل فرق..
في الأول الفرق ده بيكون مُهمل وبسيط جداً بالنسبالك لدرجة إنك بتستهتر بيه بس مع الوقت بيزيد ببطء وبيولّد سلسلة متتابعة من النتايج والتطورات إللي بتكبر مع الوقت بشكل محدش يقدر يتوقعة ،

في حكمة إنجليزية قديمة كلماتها بالعربي بتقول.. 

لما ضاع مسمار حدوة الحصان ضاعت حدوة الحصان ولما ضاعت الحدوة، ضاع الحصان ولما ضاع الحصان، ضاع الفارس إللي راكب علي الحصان ولما ضاع الفارس، ضاعت الرساله اللي كان هيوصلها ولما ضاعت الرساله، ضاعت المعركة ولما ضاعت المعركة، ضاعت المملكة .. تخيّل إن السبب في ضياع مملكة !! كان مسمار تافه.

انت عارف إن السبب الأساسي لقيام الحرب العالمية الأولي هو إغتيال "فرانز فيردناند" ولي عهد إمبراطور النمسا والمجر ...

الحرب دي مات فيها أكتر من ٨.٥ مليون شخص يعني بسبب شخص واحد مات اكتر من ٨.٥ مليون بني آدم

ده غير الخساير الإقتصادية وإنتشار الفقر والبطاله والآوبئة.

يعني إن كلمه حلوه تقولها لموظف عندك، متعرفش ممكن الكلمه دي تأثيرها يوصل لفين، أو كلمه تقولها تحل بيها مشكله مابين إتنين، متعرفش لو الموضوع إتطور كان هيبقى شكله ايه، والعكس برضوا لو كلمه مُحبِطه أو كذبة أو شتيمه قولتها لحد، إنت متعرفش دي هتأثر في مستقبله إزاي اللي بدوره ممكن يأثر علي مستقبل جيل بحاله، تخيل مساعدة بسيطه تساعد بيها حد محتاج، أوإبتسامه ترسمها علي وشك 
أو ورقة تشلها من الأرض أو حبه تزرعها أو بوست تنشره، نصيحه تقدمها، كلمه تقراها، أو كلمه تكتبها لحد يقراها، كل ده ممكن يغيير في مستقبلك بشكل غير متوقع.
خلاصة الكلام خلي بالك من تصرفاتك وإهتم بالتفاصيل وأعرف إن إللي بتزعة دلوقتي هتحصده بعدين.

إقرأ المزيد 



التعليقات
0 التعليقات

كافة الحقوق محفوظةلـ سحر الحياة 2016
تصميم : أر كودر I تعديل: حنين