أمل الجمل
ايه ياعم جرى ايه مالك
مكوش ع البنات وملخبط حالك
وكمان بتتباهى يا عينك يا جابيرك
بان كل البنات حبايبك
وعاملهم سبحة فى ايدك
مصاحب فلانة وبتحب علانة
وكل واحدة مستنية نظرة من عينك
شاطر وتلعب بالبيضة والحجر
وغير كدة منك ايه منتظر
لاء وبعد ما تاخد غيتك
ناصح. سايبها مفتوحة سكتك
حبل الود موصول ومطمن حضرتك
انها هبلة ودايبة فى محبتك
غاوى وحاوى بتحولها لصديقة
بحركتين حلوين وكلمة رقيقة
هتنهى علاقتك بيها باخبث طريقة
انا بحبك …بس
امى مش موافقة ومش دى الحقيقة
والعبيطة تصدق ماهى ف بحر حبك غريقة
عامل نفسك الواد الحليوة الذووق
وفاكر نفسك استاذ فما فووق
لا ياعم اصحى وفووق
بكرة من نفس الكاس هتدووق
وهيجى يوم وهتاخد اكبر خازووق
مدير قسم الأدب والشعر
علا السنجري
