حوارات ستات
…………………………….
الحوار الاول
…………….
ليل داخلي
قاعة أفراح … يدخل العريس والعروسة علي أنغام صوت ماجدة الرومي
( طولي بالأبيض طولي يا زهرة نيسان )
وتنطلق الزغاريد
السيدة1تميل علي السيدة 2 وتهمس :
يختي شفتي عملة إزاي ؟!
دي زي البوصة
صحيح لبس البوصة تبقا عروسة
أنا عارفة عجبو فيها اية ؟!
نسمع بعض الهمهمات ومصمصة الشفاة مع تنهيدة عميقة
سيدة 2 :
عندك حق يا وختي
كان ملها بنت خالتو ؟!
ماهي زي القمر
زي القرع يمد لبرة
……………………………..
الحوار الثاني
نهار داخلي مستشفي
وإستعدادات للولادة
……………………………..
سيدة 1 لسيدة 2:
يختي شوفي البت بئت زي الكرنبة ازاي ؟!
حمل ده ولا ورم ؟!
أكيد من كتر الرمرمة
نسمع بعض الهمهمات ومصمصة الشفاة مع تنهيدة عميقة
سيدة 2 :
عندك حق يا ختي
كان ملها بنت خالتو ؟!
مهي زي القمر
زي القرع يمد لبرة
……………………………….
الحوار الثالث
بعد الولادة بسنة
ليل داخلي داخل منزل العروسة
……………………………….
سيدة 1 لسيدة 2:
ياختي شفتي البت عضمت إزاي ؟!
صحيح متعرفش البضاعة إلا بعد الحمل والرضاعة
وبضعتنا
ياختي مش عايزة أتكلم بقا
نسمع بعض الهمهمات ومصمصة الشفاة مع تنهيدة عميقة
سيدة 2 :
عندك حق يا ختي
كان ملها بنت خالتو ؟!
مهي زي القمر
زي القرع يمد لبرة
النهاية
أسفه
ده حوار ملوش نهاية
حوارات ل….
