حياة الفنانينعام

ايام البراءه والقلب الابيض

 ايام البراءه والقلب الابيض العيد زمان

مفيش احلا من ايام لما كنا صغيرين وقت العيد ايام البراءه والقلب الابيض والذهن الصافي اللي اكتر حاجه كانت بتشغل بالي امتي ماما هتعمل الكحك عشان اقعد العب في العجين وانقش معاها بالمنقاش وياتري امتي هنزل اشتري لبس العيد واول ما اشتريه احط جذمتي في حضني واعلق فستاني علي باب الدولاب عشان افضل طول ماانا نايمه شايفاه قصاد عيني وطبعا مينفعش انسا الشنطه مانا لازم احس اني كبرت وبقيت مادموازيل كبيره كان نفسي اجيب جذمه بكعب بس ماما مكنتش راضيه عشان غلط بتقولي انتي لسه صغيره واول مااصحي اصبح اجري البس هدومي الجديده واجري علي بابا وماما واخواتي الكبار عشان ابوسهم واحضنهم ال يعني مش في دماغي العديه والحقيقه اني بفكر ياتري هجمع العيد ده عديه اد ايه الاقي بابا قاعد جنب ماما محضر لينا كل واحد عدينه هو وماما مع ان اخواتي كانو اكبر مني بكتير اوي ومتجوزين ومع ذالك كان بيديهم عيديتهم وبعد شويه باب البيت يخبط عم حسن المسحراتي يجي اول يوم العيد عشان ياخد عديته ممكن فلوس وممكن شويه كحك وغريبه وبيتي فور وينزل وهو فرحان وبيدعي لبابا كتير كلنا نجمع ونفطر مع بعض كحك وبيتي فور وبسكوت وشاي بلبن والاهم من كل ده ام علي محدش في الدنيا كان بيعرف يعملها زي بابا الله يرحمه واول مانخلص اجري عليه واقوله يلا يابابا انا عايزه اخرج كان عندنا عيب البنت تخرج في العيد الدنيا زحمه العيد للتزاور وزياره قرايبنا وبس كانت احلا ايام نفسي اغمض عيني واركب اله الزمن واجع ولو ليوم واحد من ايام الطفوله كل سنه وانتو طيبين وبخير اوعو تنسو تحكو لاولادكو علي ذكرياتكو ايام الحب والصفاء كررو ذكرياتكم معاهم خلوها متنتهيش خلوهم يوم ما يكبرو يلاقو ذكريات جميله في يوم زي الايام دي حافظو علي ذكرياتكو في اولادكو



بقلم



مها نور


مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: