انا والوطن لسه صحاب
كنا نروح المدرسه من بدري ننده ع الصحاب
كنا جمال بساط قوي كنا زمان من غير حجاب
وضفيره حلوه في شعرنا
وطابور جميل يلمنا
ونشيد بلادي يعلا قوي كنا نهز المدرسه
وابله حلوه كويسه
تجري علينا تقولنا
مش عايزه ضحك والضحكه ماليه وشها
وسماحه هاديه بحبها
والشمس تضرب في العيون
تفتح لنا ميه الف كون
يابلادي حاساكي حبيب
وبعشق انه يكون قريب
اجري عليكي واحضنك
وافكرك بناسك اللي انا منها
وشوارعك اللي بوستها
افكرك بيوم جميل في المدرسه
بقلم
تراجي
