السلام ربنا اسمه السلام
ف متفرحوش باللى يهدد أمننا
ومتشتروش من بياعين حبة كلام
كل الألآم هيجيلها وقت وتنتهى
وتطيب أوام
ربنا اسمه السلام
هيفيد بايه لو تشتكى
وبعدين تنام
انتج وشغل مصنعك
خد بس خطوه للأمام
لو ألف ايد بترجعك
خليك بطل . خليك همام
تلقى الوطن بيشجعك
ويمد ايده بالسلام
فاللعنه ع اللى بيخدعك
ويطمعك هتبيع بكام
ملعون أبو طيور الظلام
اللى بتقتل فى الضمير
يا مصر أنا لسه بخير
فبلاش يقل الاهتمام
ربنا اسمه السلام
غصن الزتون لساه بيجى مع الحمام
ف متيئسوش
مهمومه ليه كل الوشوش
واحنا اللى بنحرر وطن
لو كنتو لسه متعرفوش كان أد ايه حجم الفتن
شوفوا المحن
شوفوا الغلا-شوفوا الفساد
مين عينه بره ع البلاد
مين كان بايعها فى المزاد
شوفوا العفن
مرفوعه راسنا فى التراب ليه تندفن
ارمى الكفن
اصحى وفوق من رقدتك
ملعونه أم مخدتك
بتقول ظروفك عاندنك
وطنك بيدفع الثمن
وابقى اسأله عن تمنه كام
ربنا اسمه السلام
بقلم / نادين حسام
ادارة عين شمس التعليميه
12 سنه
