عاممقالات

وصيه شهيد  بقلم الشاعره سلسبيل المهدي


بقلم الشاعره سلسبيل المهدي


وصيه شهيد 
فاكره ياما لما جيت 
وصرختي مليت عليكي البيت 
علي ايدك ياما اتربيت 
ربتيني علي الحنان 
وحضنك اللي كان امان 
وعلمتيني وكبرتيني ووقفتي زي الوتد
ولما الشيبة اكلت الشعر
والزمن حنا الضهر 
قلتيلي جيه دورك تكون سند 
علمتيني اكون في الشده اسد
ولما نداني واجبي 
قلتلك راجع ياقلبي 
و تارك في ايدك امانه حبي
حبيبتي اللي لما قابلتها 
والدمع كان علي خدها
قلتلها كلمه 
فيها قلبي سلمتها
ووعدتكوا
ارجعلكوا 
د ي شويه سنين 
اهو فات من العمر عشرين
اصبري يا امي سنتين
قالتلي روح يابني 
ينور طريقك صلاه المصطفي
ويجعل البرد علي بدنك دفا
ومرضك يتحول شفا
واشوفك عريس 
يابني ما تعوقش 
ماليش غيرك انيس 
الوحده بعدك جليس 
واخدت شنطتي وعلي النبي صليت
ومن عزيمتي قويت 
ووقفت علي ارض الرسل والسلاطين 
عاهدت ان ابنائك يا مصر يكونوا سالمين 
ومجاش في بالي ان يبات ابويا من غيري حزين
وكان نفسي بالخير يا بلدي اشوفك
واشوف جناحك محاوط الدنيا 
بس ضم دمي ترابك ومشيت شهيد من الدنيا
بعتذرلك يا امي 
ما كنتش قد وعدي معاكي
سبت امانه حبي وياكي 
قوللها عيشي سعيده متهنيه 
وامانه عليكي تخلفي ولد علي اسمي
ولو جت بنت سميها هديه 
مش عيزك تزعلي يا امي 
وانا بدافع عن وطني كنتي انتي كل همي 
كان نفسي ابوسك 
واضمك 0000
واسمع كلمه ابني منك 0000
متخفيش مش هغيب عنك00000 
انا هزورك كل منام 0000
وادعيلي يكون رسولي في صلاتي امام
او هجيلك علي شكل حمام 
ادق علي بابك وفي ايدك انام 
وابقي ضميلي ابويا 
وبوسيلي اخويا 
وقوليله اخوك بطل 
استجاب لوطنه لما له امر
خلي قلبه حجر 
شمي ريحتي فيه
وقوليله وفهميه
ان الموت قدر

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
زر الذهاب إلى الأعلى
إغلاق
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: