عاممقالات

ايوه وحشتنى كل حاجه فيكى

ايوه وحشتنى كل حاجه فيكى

ضحكتك وغمزة عنيكى

ودعاكى ليا وطبطبه ايديكى

وفنجان القهوه وكبايه الشاى

الل كنا نشربهم نللف كل الدنيا

نعزف عود ونغنى بناى

نصقف تعلى الصقفه لسابع سما

وتقول علينا الناس مجانين

واحنا الل جمعنا عمرنا بالعافيه

نظبط كل مواعيدنا بالثانيه

علشان عمرنا مايهربش

ومنفكرش

غير اننا نكون مع بعض

نملك كل خطوط العرض

ونكون مالكين كل الارض

نسبق كل خيول الاحلام

ونتراهن ع الكسبان

وكل بيبان

الكلام كانت مفتوحة ع الاخر

نلعب حاجات غريبه

مره حظ ومره سيجه

وكنت اعملها انا المغلوب

اصل توب العشق يدوب

متفصل ع قدى

ولو بيدى

عمرى مااقلعه

وافضل ارقعه

بخيط ابيض

اصل مااملكش غير

توب عشقى

الل متفصل ع جسمى

كما الأحلام…

شعر..شريف الهمامى

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: