عاممقالات

بلادى بعيده شعر …شريف الهمامى



بلادى بعيده
#فاتح شباك قلبى ع الضرفتين
ماسك لجام لسانى بجملتين
ماشيه بينا ياسكه ع فين
ياساقيه لفى ودورى
لجل ماتروى ارضى العطشانه
ياارضى عدى ع جذورى 
ماانا روحى غرقانه
ياخطوه عدى وفوتى
دا انا ضلوعى همدانه
حزنى اشتكى منى
والحلم تاه ياما
ف عيونى والنينى 
واه ياصمتى يانا
ماشى بين جبلين
وطريق مفتوحه
وبلادى بعيده
وصوتى حباله مدبوحه
منين الاقى ليكى طريق
وعنيكى كلها زحمه
ماانا الل فيكى غريق
وايامى مش راحمه
لابسه لمين الطرحه
وانتى الل مقتوله
شيلى بداله الكفن
ياام العيون مشنوقه
#شعر …شريف الهمامى

مقالات ذات صلة

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock