شعر وحكاياتعام

بكفياكى بقى

بكفياكى بقى واصحى من النوم

دا انتى نومك تقيل

وانا الل صاحى من النجمه

بنفض توبى من الهموم

واعد كام حلم فاتنى وانا نايم

اصل الحلم دا نعمه

زى الرزق مقسوم

اجرى ع كبايه الشاى

كأنى راجع من السفر

واحضنها بلقمه تبل الريق

اصل مانيش عارف نفسى ناجى ولا غريق

اهى حاجه بتصبرنا ع الايام

وفى عز القاعة مامزحومه

لكنها مش مليانه بالأنفاس

أصل العزوه مش بالناس

العزوة بالرضا بالمقسوم

والمكتوب والمحتوم

ابوس ايدى وش وضهر

واتوكل ع الفتاح

ادور ف العيون ع البراح

وتسبق ايديا رجلى

وينادى عليا رزقى

وافرح واتشعبط ف الضحكه

والفرحة

مع كل الخلق

وانا سايبها ع الله….

#شعر..شريف الهمامى

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: