عاممقالات

حالة عشق ابدية


حالة عشق ابدية !!!
• ام كلثوم :جددت حبك ليه … بعد الفؤاد ما ارتاح
• القمرى: زعلانة منى ليه ياست الكل ؟ دا احنا قصة حب قديمة .. بس ايه الللى مزعلك منى . داانت حبيبة قلبى
• ام كلثوم :اسأل روحك اسأل قلبك ؟
• القمرى:الزمن اتغير ياثومة وانت كمان اتغيرتى .. معذورة ياثومة .زمانك غير الزمن ده
• ام كلثوم :اتغيرت شويه شويه اتغيرت ومش بأيديه
• القمرى: كنت كل حياتى ياثومة ..مع انى كنت بحب نجاه الصغيرة الا انك ملكت قلبى !!
• ام كلثوم :كنت زمان بالاقيك بحنانى بحر محبه وبر امان
• كنت باحس ان انت زمانى ويومى وبكره وبعده كمان
• القمرى: اوعى تكونى نسيتينى ؟ انا شخصيا عمرى مانسيتك ؟
• ام كلثوم :انا مانسيتش الحب وعهده ولا ايامه ولا لياليه
• اما ان كان عالحب لوحده من غير ظلمك اهلا بيه
• القمرى: انا ماقدرش ازعلك ياست الكل ؟ بس افتحى لى قلبك اتكلمى ؟
• ام كلثوم :أنا حيرنى هواك وانا علشان انساك
• بابعد عن كل مكان رحته ولو مره معاك
• واهرب من اقرب ناس يعرفوا قصتى وياك
• وبغير اى كلام بيجيب سيره لذكراك
• القمرى: انت وصلت لحالة صعبة ياثومة ؟
• ام كلثوم :وصلتنى للحال ده بأيديك بعد ما كانت روحى فى ايديك
• القمرى: بس انت انسانة طيبة .. وكان قلبك طيب وحنونة ..طول عمرك قلبك كبير.. بس والنبى بلاش تزعلى منى
• ام كلثوم :هو حنانى عليك قساك حتى عليه
• والارضايا كمان خلاك تلعب بيه
• والاتسامح روحى معاك غرك فيه
• القمرى: ليه بتقولى كدة ياست الكل انت مقامك عالى .. داانت اسمك محفور جوة قلبى .. ياريت تسامحينى .. سامحينى بقة !!!
• ام كلثوم :انا يا حبيبى صحيح باتسامح الا فى عزه نفسى وحبى
• وما يفيض بى ما عرف اصالح واعرف اجى كتير على قلبى
• القمرى: وعلشان ايه ده كله ياثومة ؟
• ام كلثوم :اسأل روحك
• القمرى : قبل مااختم معاكى عايز اصارحك ان نجاه الصغيرة كانت بتحب صالح سليم يعنى انا كنت بحب اغانيها بس
• ام كلثوم : لو كل حب فى كل قلب اتجمعوا انا حبى اكتر ..انا حبى اكتر
• القمرى : كل شىء حواليا بيفكرني بيكى ..كل نور ف عنيا فيه ضحكة عنيكى
• ام كلثوم : ولما أكون وياك … هايم فى بحر هواك
• ما اعرفش أيه فات من عمري … أن كان رضا او كان حرمان
• وأفضل وبس انت فى فكري … يا اللى بحبك زي زمان
• القمرى : وداعا .. حبيبة الروح

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: