عام

بحبه يا بابا


بحبه يا بابا.


بريد القراء أعداد: هويدا صابر 
لما نلاقي حد مصمم علي شئ وبيجادل فيه وهو غلط والموضوع لايصلح أصلا نقوله أصل أللي ميشوفش من الغربال يبقي أعمي ، وفي بعض قصص الحب بيكون في طرف من الطرفين متمسك بالتاني رغم عيوبه الكتير جدا وكل الشواهد بتأكد أن الموضوع أستحاله هيكمل لأسباب الغير شايفنها لكن صاحب الأمر نفسه مش شايف حاجه لأنه أعمي ليه أصله بيحب صحيح مراية الحب عاميه.




ودي مشكلة س ح:

أنا أنسة عندي 28 سنة حبيت زميلي في الشغل عنده 300 سنة عجبني طموح أوي ، وكل أللي بيقولي عليه بعمله فورا من غير تفكير، وأتقدملي وتمت الخطوبه ، بعد الخطوبه بدأت المشاكل مع أهلي بسبب أنه لا بيتصل في أي مناسبه ولا يقول كل سنه وأنتوا طيبين ، ماما تتعب مفيش ألف سلامه ولا عيد أم ولا عيد ميلادي ، ولما أتكلمت معاه قالي دي شكليات أنا مش فاضلها وأعملي حسابك بعد الجواز أي مناسبه ليهم تروحي أنتي لوحدك ملكيش دعوه بيه عشان تكوني عارفه ، والمشاكل كبرت أكتر وأبتدي يتطاول علي بابا ومفيش أي أحترام لأهلي وانا أداري عليه وأبرر، وأهلي طبعا شايفين ان دا أنسان هيبعدني عنهم وهكون زوجه في البيت والسلام ماليش أي حقوق وقالولي الحب مش كل حاجه ، أنا أنهرت وعياط وصويت ليل نهار وقولتلهم هنتحر لو متجوزتوش ، بابا وماما قالولي أحنا أدناكي حرية الأختيار محدش فرض عليكي شئ ، ولا قولنا سبيه أحنا بنديكي النصيحه عشان دا دورنا وواجبنا ، ودلوقتي سابني متعلقه ومبيردش عليه ولا علي أبويه ومؤخرا رد علي بابا وأتفق معاه ياخد دبلته وكل شئ قسمه ونصيب ، أنا حبيته فعلا ومقدرش أعيش من غيره ، ومش عارفه أعمل ايه؟ 
السائلة الكريمة:
أنتي هتعيشي من غيره فعلا دا موضوع منتهي أصلا وأنتي بتجادلي فيه ، مصدومه عاطفيا خدي وقتك وأقنعي نفسك ان دا الصح والخير وأهلك حواليكي ، رغم شو التهديد أللي عملتيه عليهم وهنتحر وبحبوا يا بابا وهما ملهومش أي ذنب ، دا أنتي أخدتي حرية الأختيار وكمان بيقولوا نصيحتهم ليكي بكل أحترام لحد ما الشاب هو أللي قرر فسخ الخطبه وطلب دبلته ، أهلك نموذج ناجح جدا ووقت الخطر هيكونوا في ضهرك ، وأللي أهله كده هيحتضنوه كويس جدا لحد مايخرج من الأزمه علي خير ، بالنسبه لخطيبك السابق أنتي أديتيله كارت عدم أحترام أهلك بأرادتك ودا أكبر خطأ بترتكبه البنت ، أللي ملوش كبير يشتريله كبير وأنتي تخليتي عن ضهرك وسندك أرضاء للحبيب ، لذلك مبقاش عنده كنترول معاكي ومعاهم ولا في أي احترام منه ليكم ، وبعد ما بعتي أهلك عشانه النتيجه الطبيعيه أنه باعك وأخد دبلته كمان عشان يطلع من غير خساره ، أهلنا فوق راسنا وأحترامهم من أحترامنا ، بلاش تضيعي أكبر نعمه في حياتك حضن أهلك نصيحه أترمي فيه زي مابيقولوا هتقوي وهتنسي ، العريس هيتعوض الأهل لا وخصوصا أنه عريس غير جدير بيكي ولا بحبك ، وأسأل الله لكي الهدايه وصلاح الحال والخير.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: