عام

ست البيت رجل البيت


ست البيت رجل البيت.

بريد القراء أعداد: هويدا صابر
 
الحياه هات وخد ، لكن هات بس من غير خد يبقي دا أستغلال ، والأستغلال دا لو بمزاجنا وبرضانا عشان الأمور تمشي تمام متجيش في وقت وتتخنق وتعترض بغضب وتوصله أنك كاسر عينه وأنت عارف أن نتيجة أعتراضك دا مش هترضيك خصوصا أنك أنت أللي أخدته علي دا من البدايه ، فتبتدي تتأسف وتحاول تصلح لكن بيكون أنتهي الأمر.
دي مشكلة السائله د أ:
أنا متجوزهعن حب وعندي بنت وولد والحمدلله ميسورة الحال ، وأنا وزوجي بنشتغل وفلوسي كلها في البيت حتي أللي من ورثي ، حاجات ناقصه أو محتجاها بجيبها وزوجي مبيسألش مكبر دماغه والمصاريف بتكتر ، لحد ما في مره بتكلم معاه وبقوله كده كتير عليه رد قالي وأنا مالي هو أنا بقولك أصرفي أنتي أللي غاويه منظره ، كلامه أستفزني رديت عليه قولتله بعد كل أللي بعمله معاك ونسيت مساعدة أبويه الله يرحمه ليك ، ضربني بالقلم وقالي أنت بتمني عليه ولا كاسره عيني غوري أنتي وفلوسك أللي ذلتينا بيها وكل شويه بعمل وبسوي ، وساب البيت من شهر ومش عايز يشوفني وقرر الأنفصال وأخت ليه هي أللي بتاخد الأولاد ليه يشوفهم وترجعهم ولما أتكلمت معاها هي وأمه قالولي رافض يتكلم معانا في تصالح ومش عايز يرجع تاني وأحنا بنحاول معاه ربنا يهديه ، وبعتله أصحاب ليه مفيش فايده ، مش عارفه أعمل أيه أنا ندمانه ونفسي يرجع وهي كانت لحظة غضب.
—————————-
السائلة الكريمة: 
 للأسف أنتي غلطتي من البدايه وعملتي تبادل للأدوار وعودتيه أنك بتصرفي في البيت رغم أن هو أللي ملزم بيها لو ظروفه الماديه تسمح ، وللأسف الغلطه دي في زوجات كتيره بتقع فيها الزوج بيكون مقتدر وتصرف هي وتقوم بدوره كمان عشان المركب تمشي المهم وجود الرجل في البيت ولما تفكر تشتكي بيكون خلاص عدي الوقت وبقي من المستحيل أنها تتراجع عن دا لأنها عودته عليه ، وأنتي عملتي دا كله بحب وعن رضا منك ، لكن مره في مره زهقتي فقلبتي الترابيزه زي مابيقولوا وجبتي القديم والجديد ودلوقتي ندمانه وعايزاه يرجع ، هو بقاله شهر ومحصلش طلاق رغم أنه مقرر الأنفصال فأحتمال يكون بيراجع نفسه وحس أن كلامك في شئ منه صح والأحتمال التاني يكون بيضغط عليكي عشان متكرريش الموقف دا تاني ، لكن بما أنك عايزاه يرجع سبيه فتره قصيره يهدي من غير ما أي حد يكلمه فيها وأعرفي أخباره من أمه وأخته وبعدها حاولي تتواصلي معاه بنفسك وتتكلمي معاه أو أقرب حد ليه يتكلم معاه ، وربنا يصلح الأحوال ويهديكم لبعض ولأولادكم.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: