اوعي تكون لمبي.
بقلم: غاده شبراوي
من الشخصيات المميزه واللي اثبتت وجودها في مسرح مصر هو الفنان مصطفي خاطر واللي لفت الانظار بخفه دمه وبادواره ومن الادوار المتميزه كانت شخصيه عم شكشك وكان متفوق وحقق انبهار غير عادي واستمتع الناس بالاداء الكوميدي وطريقه الكلام وفوجئت منذ ايام باعلان لبرنامج جديد لمصطفي خاطر بس مش بشخصيته هو ولكن بشخصيه عم شكشك
وطبعا نال رضا الناس من قبل مايبدا العرض لانه فعلا متفوق جدا في التمكن من الشخصيه بس الخوف هنا انه يكون لمبي جديد ويتم حصاره ونلاقي فيلم عم شكشك ومسرحيه شكشك بيه ويكون نفس ماحدث مع محمد سعد لما ابدع في شخصيه اللمبي تم حصاره ونسيوا انه فنان غير عادي وكان لابد منحه فرص يثبت نفسه لانه فنان قدير وعلشان كده حبيت اقول كفايه علي شخصيه شكشك برنامج او اتنين واشتغل علي شخصيتك وموهبتك وفكر هل تريد ان تكون عم شكشك ولا تكون مصطفي خاطر اللي يقدر يعمل اكتر من شخصيه ودي مجرد وجهه نظر مع احنرامي وتقديري للفنان الكبير محمد سعد
