عام

لازم نعمل حساب لبكره.


بريد القراء أعداد: هويدا صابر.
مش عيب أن الأنسان يكون بيحب أهله وبار بيهم ، ويساعدهم لو محتاجين وخصوصا لو كان مقتدر ، المهم يكون مفيش أستغلال منهم ، وبردوا مفيش مانع نعمل حساب لبكره ، مأحنا في زمن محدش بينفع فيه حد ووقت الجد الأغلب بيقول ياله نفسي.
مشكلة السائلة س م: 
أنا سيده متزوجه وزوجي بيحبني وأنسان محترم معايه جدا وأخلاق هو محاسب في شركه خاصه ، بعد جوازنا بشهر قالي أنه محتاج لفلوس عشان يدخل بيها مشروع مع واحد صاحبه يحسن من دخلنا ومش عارف يتصرف أزاي وكان مضايق جدا ، وأنا مكانش معايه غير دهبي وكان الشبكه بيعتها كلها وأديته فلوسها دا غير فلوس متبقيه من نقوط جوازي من أهلي ليه ، أديتهاله وبدأ مشروعه بالفلوس دي ، وقتها قولت دا دوري أني أقف معاه وأنا مش متأكده من نجاح المشروع بس سيبتها علي الله ، والمشروع جاب ربح كويس جدا وبصراحه فرق معانا كبرنا الشقه وغيرنا العفش وجاب عربيه ليه وبعدها جابلي عربيه ومش حرمنا من حاجه خالص وردلي الدهب أللي بيعته الضعف دا غير أنه بيديني مصروف خاص ليه غير مصاريف البييت ، لكن المشكله أللي بتضايقني أنه بيصرف علي أبوه وأمه وأخواته وهما مش محتاجين فلوس ، وأي حد من قرايبه يقوله محتاج يبعتله علي طول من غير ميتحقق ، والفلوس دي أحنا أولي بيها أحنا وأولادنا أنا عندي ولدين وحامل في التالت ، وبصراحه أنا حسيت أنهم مستكترين نعمة ربنا علينا لأن الموضوع بقي أستغلال من الكل أولهم ابوه وأمه وأخواته بيطلبوا حاجات رفاهيه أللي نفسها في موبايل ب6000جنيه ومتجوزه وأللي عايزه مقدم عربيه لجوزها وبعدها يتدبس جوزي في الأقساط دا غير كروت الشحن والفلوس أللي بتطلب لأسباب تافهه ووهميه وأخوه مبيشتغلش وياخد منه الفلوس عشان يخرج مع أصحابه ، ومش عارفه أتصرف أزاي ماهو لو محتاجين مكونتش أتكلمت ، وكل متكلم معاه وأقوله لازم نعمل حساب لبكره يقولي خير ربنا كتير هو أنتي محتاجه حاجه سبيها علي الله.
——————-
السائلة الكريمة: أنا بحيكي علي شجاعتك في بدايك جوازك ووقفتك مع زوجك ، سبتيها علي الله وأديتله شبكتك وفلوس نقوطك ، وهو بصراحه طلع أنسان أصيل ويستاهل وبوصفك كريم معاكم ومنساش وقفتك معاه وردلك الدهب الضعف ، يعني أكيد أنتي ليكي معزه في قلبه ، أستغلي المعزه دي بلباقه وبذكاء وبصراحه أنا بعذرك في قلقك وخوفك علي الفلوس لأنك شايفاها بتروح في حاجات تافهه ، أبتدي قوليله مثلا عايزين نكبر البيت ونعمل لكل واحد من ولادنا دور أو شقه أو عايزه أعمل لكل واحد منهم دفتر أنت شايف الدنيا كل يوم بتغلي ، وحاولي معاه من غير عصبيه وأختاري الوقت المناسب عشان ميعتقدش أنك خايفه علي فلوس المشروع أللي كان الأساس فيه فلوسك ، وأنتي بتتكلمي معاه قوليله ليه أخوك ميشتغلش معاك ويساعدك وياخد مرتب أحتمال أخوه يرفض ويبقي كشف نفسه لزوجك لأنه من الواضح أنه مستهتر ، أومثلا جوز أختك لازم يحس بمسؤليه ويتعب في الشئ زي ما أنت تعبت عشان يحس بقيمته سيبه يدفع الأقساط وهكذا ، والصبر ثم الصبر ثم الصبر عشان توصلي لنتيجه ، وربنا يحفظكم ويزيدكم.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: