شعر وحكاياتعام

طبخة خالتي


بقلم رانية المهدي

خالتي شريفه
ست لطيفة
صبحها يوماتي
فول من العادي
قرص فلافل

بصله ظريفة

دش وسمي
يسري ويمري
علي بدنك ياسي موافي
……………………………………….
وعم موافي وشرزه الدافي والنضارة
بكره يا سيد
فوتوا علينا
يسهل ربك في التاشيرة
وأخر يومه
يلم هدومه والبطيخة والجرنال
وصداع وهموم ما تشيلها جبال
وترامه لبيته
ودعوه لربه
ب صلاح الحال
……………………………………………..
خلتي شريفه ديما قاعد
جوه البيت رضيي وحمدا
تطبخ طبخة …تعمل لبخة
وشويه بن في جرح حماده
ماهو مينا فتحها زيادة
أم جزيف
بكف خفيف علي رقبة مينا
أخوك ياواد
ده حماده الحيلة
خلتي شريفه بضحكه ترن
يا ختي سبيهم دولا عيال
دقتي يا بت بسكوت العيد
دوقي دوقي البركة تزيد
…………………………………………………
وليالي الصيف والبلكونة
وعم موافي عم أبو مينا
وتقفيل طولة
دمنة
دور كتشينة
تسالي يا خالي
روق بالي
يحلي الشاي بعود نعناع
والضحك يزد
والحزن بعيد
يجري ويهرب من الترسينة
……………………………………………….
وتمر سنين
ويجي ناس تانين
أشكلهم غرنا ؟!
ولا شبهنا ؟!
مش عارفين !!…..
ويقولك إية !!!!!
أل !!!
متعيدش علية !!!
وحمادة ومينا هناك وقفين
ع الجابهة فدا كل المصريين
وصحابك بيفرقعو بمب
وقتل وموت
ويتمنوها حرب
وتكلمهم يقولولك دين!!
دين ايه ؟؟!!
ياولاد ال إيه ؟؟!!!
ده شيطان جبار في عقول مليانة غبار
……………………………………………..
مصرنا
أرض وروح وحنان
سلامها ده أمر من الرحمن
بس تربها جبال من نار
لكل خاين
أو غدار
تعيشي يا مصر كمان ونكدهم
ب حمادة ومينا
وكحك العيد
وطبخة خالتي تلف علينا
وتضحك هي
البركة تزيد
نصيحة للعرابيد
إنسي يا سيدي
ده شعب عنيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: