صائغ القوافي الشاعر
فهد بن عبدالله الصويغ
أمسح كل قصيد للحب قلته في هواك
وأمسح كل كلمة من الشوق ساقتني
ماعاد أبي ذكرك و لا عاد أبي لقياك
كلمة الحب اللي قلتها فيك كم كلفتني
كلفتني دموع و سهر لجل إني أتمناك
والحقيقة إنك ماتساوي دمعة إذبحتني
حسافة يوم إني عشقت مثلك وشرواك
حسافة إني كتبت فيك كلمة إسجنتني
حسبتك من زود حبي إنك ملاك
لقيتك شيطان بدنيا هي من أشقتني
الخطا يا لخاين أبد ماهو خطاك
الخطا خطأ عين ضحكة علي وغشتني
أدري إن الحق باللي صابني معاك
إشلون أحب من الدنيا منه حذرتني
رفعت قدرك بحبي و رميتني للهلاك
أتاريك ظالم ويدك سم الزعاف سقتني
أنا أشهد إنك للغدر تاج وخنجره بيداك
و دنيتي بغرامك بالشين دوم بلتني
هب الله وأكبر عليك يا سعدي بفرقاك
ترى ذكر إسمك بقصائدي إحرجتني
السجن والموت أعز للنفس من رؤياك
حسبي الله عليك ولابو دنيا بك لاقتني
الكذب والغش دايم يطلع من شفاك
لعن أبوحظك بفرقاك دنيتي راضتني
رجعت لحياتي واخترتها اليوم بلاك
لقيتها بالفرح والسعادة بلاك إسعدتني
أمسح قصيدي ترا كل كلمة بها تسواك
يكفي إن كل ماتذكرتهم فيك جرحتني
مدير قسم الادب والشعر
علا السنجري
