شعر وحكاياتعام

الباب يفوت جمل.

بريد القراء أعداد: هويدا صابر.
ليه دايما بناخد أمور حياتنا بعصبيه وبأنفعال ، في أمور كتيره بتحتاج هدوء وتفكير مره وأتنين وتلاته ، لأن الكلمه أللي هتخرج مننا مش هترجع تاني وهتتحسب علينا. 
دي مشكلة السائلة الكريمة ن ر:
أنا متزوجه من 7 سنين من أنسان كنت بحبه وبيحبني هو قبل الجواز كان طبعه عصبي جدا وأقل حاجه تنرفزه وقليل الكلام وأنطوائي ، لكن أنا دلوقتي وبعد 7 سنين جواز بحس كتير أني مخنوقه جدا ومش حاسه بطعم لحياتي معاه ، طول الوقت قاعد لوحده يرجع من الشغل يقفل باب أوضته عليه بالساعات من غير ميتكلم معايه فين وفين لما يبصلي ويتكلم معايه وكل يوم الموضوع يزيد وأنا أتخنق زياده ، وأنا وبنتي يا في الصاله مع بعض لوحدنا يافي أوضتها بنلعب سوا هو لأ بيلاعب بنته بالصدفه ، أتخانقت معاه وقولتله أحنا حقوقنا فين أنت كل يوم علي الحال دا قالي مش عاجبك الباب يفوت جمل سبيني في حالي ملكيش دعوه بيه لما أحب أعمل حاجه هعملها ، وأنا أتصدمت في رده عليه وأنا حامل كمان في الشهر الخامس ومش عارفه أعمل أيه أنا حاسه أني مليش قيمه ولا دور في حياته وتعبت بجد.
——————–
السائلة الكريمة: أنتي بتقولي كان قليل الكلام وأنطوائي من قبل الجواز وأنكم أتجوزتوا بعض عن حب ، ليه متستغليش الحب دا وأنتي بتتعاملي معاه حاولي تحتويه في الوقت أللي بيكلمك فيه من غير خناق منك أو عصبيه او طلبات ، وأستغلي بنتك تدخل تقوله يابابا أصحي نلعب سوا أو نفسي أخرج معاك ، وأنتي عليكي الدور الأكبر حاولي معاه أكتر من مره وبهدوء جدا هو الموضوع هيكون صعب عليكي لكن بالصبر وبحبك ليه هتنجحي عشان حياتك وعشان ولادك وبعدين انتي حامل في طفلك التاني ومتفكريش تخرجي من بيتك عشان خاطر كلمه قالها وقت عصبيه وأنتي كمان كنتي عصبيه ، فكري كويس وأبدأي في طريقة تعامل جديده معاه ، وربنا يصلحلك الأحوال وييسرلك الأمور.

مقالات ذات صلة

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock