عاممقالات

الطريق للخيانة

بقلم زينة محمد 
الخيانة
كلمة لها معانى كتير مش بس انك تعرف واحدة علي مراتك
لا .. الخيانة انك تقارن بينها و بين غيرها في أي موقف
. انك تتمني واحدة غيرها ولو للحظة
. انك تتخيل نفسك مع حد تاني في دقايق
. انك تجامل زميلتك مجاملة غير بريئة
. انك تسمح لنفسك تحس برجولتك مع واحدة غيرها
. انك تسرح في الكلام مع واحدة تانية .
مهما كان خلافك و اختلافك مع مراتك مش مبرر إنك تخونها الخيانة مش عقاب ليها ده عقاب ليك  لأنك بتخسر نفسك
.
خيانتك لمراتك أكبر خيانة لأولادك وخيانة لمستقبلهم
حتي لو مراتك فيها عيوب محدش كامل وده مش مبرر لخيانتك
فلو كلب عضك غدر مش هاتجري و تروح تعضه .
الخيانة مش بتيجي مرة واحدة
الخيانة بتيجي بعد سماح فترة طويلة لخيانات صغيرة متكررة
الخيانة اكبر اساءه في حق نفسك و حق ربك .
 اصعب احساس ان اقرب انسان ليك بيخونك طايب ليه بنوصل للخيانه؟ 
وايه هي اسباب الخيانه وايه انواع الخيانه

؟

الخيانه يا ساده قد تكون خيانة المشاعر
وقد تكون خيانة المشاعر وقد تكون خيانه في الصدق في الكلام
خيانه في اللعب بالاحساس
الخيانه انك تكون محل ثقه وتفقد ثقتك بمن خانك اياً كان مين صاحب زوج أو زوجه أواخت أو أخ 
واكتر ضربه بتوجع من وجهة نظرى هي
الخيانه بين الاصحاب لأنها بتكسر الضهر وبتخلينا نفقد الثقه في أقرب الناس الينا بعد كده
حتي خيانة الحبيب تخلينا نوصل لمرحله تخلينا نخاف نحب لنتخدع
.
 الخيانه صعب نسامح فيها حتي لو سامحنا عمرنا ما هننسي وهتفضل مكتوبه ومحفوره وهتكون جدار فاصل ما بين الشخص والاخر.
 ولكن سؤالي
ليه بنخون ؟
لو هنتكلم عن زوج خان زوجته
ليه بتخدعها ممكن تواجهها بأخطائها لو كانت مقصره فى حقك ممكن تقولها انها مهمله في حقوقك ولكن بلاش تخونها لانها بتوجع اوي
اصعب احساس ولا يمكن وصفه هو خيانة الزوج لزوجته بس خليني اقول ان الزوجه كمان بتخون فكل رجل خاين يخون مع أمرأه ولكن الاغلب في الرجال
بس دايما الزوج يرفض فكرة أن زوجته تخونه طبعا وممكن توصل للقتل ويبقي دفاع عن الشرف
ولكن الزوجه دايما حقها مهدور ومينفعش تاخد حقها لو زوجها خانها وأبسط جمله بتتقال لها ده راجل مفيش شىء يعيبه .. ومع ذلك اما بتستحمل أو بتوصل للطلاق
طيب ليه من الاساس تقدر تتزوج أفضل من الخيانه رغم ان كله ألم للزوجه .. وتقدر تنفصل بهدوء من غير ما توجعوا بعض
.
والله إن الخيانه أصعب احساس ممكن نوصفه
الخيانه اصبحت سببب فى ارتفاع نسبة الطلاق ..
الخيانه يا ساده أصبحت هي السبب فى دمار بيوت كتير فاحذروها وابتعدوا عنها .

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق
إغلاق
%d مدونون معجبون بهذه: