أدم وحواءعام

ملخص بسيط عن بداية أي علاقه..


بقلم:سلمي عادل


أستشارية أسرية وتعديل سلوك

في شروط معينة لو متحققتش يبقي انت مع الشخص الغلط
“لو لاقيت نفسك بتعافر علشان تحبه”
الحب مش ممارسة ولا هو عادة،لو لاقيت نفسك مش عارف تحبه حتي لو بيعمل حاجات كتير وانت مش قادر تحبه يبقي أنت في علاقة غلط
“لو فقدت الثقة في الشخص”
في فرق من انك تعدي مشكلة او حتي تغفر خيانة وبين انك تفقد ثقتك في الشخص،لانه مهما يعمل بعد كدة حتي لو حاجات صادقة هتفضل تسأل نفسك اسئلة وجودية ملهاش اجابة وفي الغالب بردو هتسيبوا بعض.
“لو منجحتش في حياتك”
العلاقة مش بحبك وحشتيني وشكرآ،لو العلاقة اللي انت فيها دي مأثرتش في حياتك بالايجاب وحياتك اتقدمتك واتحسنت سواء النفسية او العملية والعلمية يبقي انت مع شخص بيعطلك وبيأخرك يبقي انت في علاقة غلط
“لو حسيت بمجهود في العلاقة”
انك تعافر علشان تعيش مع الشخص اللي بتحبه دا عظيم لكن اللي مش عظيم انك تبذل مجهود في تبرير افعالك بشكل مستمر،في خلق اعذار مش موجودة علشان تفضلوا،في إنك تتعب علشان تكملوا وهو مش في دماغه اصلآ،انت كدة في علاقة غلط.
“لو لاقيت نفسك بتعجز”
العشاق مبيعجزوش،الجملة دي مش خيال ولا هي مُحن،مفيش إنسان مبيعجزش،الجسم بيتغير والشكل بيتغير بس العجز اللي اقصده هو عجز الروح،انك تكون لسة صغير وملامحك باهتة،احلامك مش موجودة،معندكش طاقة تفكر ولا تحلم ولا تعمل حاجة،العلاقة دي اللي بتحسسك بالعجز والفقر لازم تبعد عنك لانك في علاقة غلط
“قلة الكلام والمشاركة”
الزن كتير غلط بس انك تكون في علاقة مع شخص ومفيش اي مانع يخليكم تتكلموا ولو مرة في اليوم علشان تطمنوا علي بعض وتعرفوا تفاصيل يوم بعض وتتناقشوا وتتكلموا ويوصل بيكم الحال انكم تعرفوا اخبار بعض بالصدقة يبقي انت مع الشخص الغلط في علاقة باردة ومملة ولو كملت بالجواز لازم تنتهي بالطلاق
“غياب التفاهم والاحترام واسلوب الحوار”
في علاقات مش مبنية علي الحب بشكل كامل لكن مبنية علي الحب والاحترام والتفاهم ودي انجح العلاقات لان مشاكلها مهما كانت كبيرة بتتحل بسهولة لان الطرفين فاهمين بعض وبيسمعوا بعض ودا بيوفر كتير من التعب والمناهدة،لو لاقيت نفسك مش عارف تتكلم او تتفاهم مع الشخص اللي بتحبه يبقي انت مع الشخص الغلط.
دا ملخص بسيط جدآ عن مبادئ اي علاقة،ارحموا حياتكم من المشاعر المرهفة دي وفكروا قبل ما ترتبطوا بأي شخص هينفع تكونوا لبعض فعلآ ولا لا،علشان متظلموش نفسكم وتدمروا حياتكم،او تتجوزوا وتعيشوا في سجن وتخلفوا عيال شبهكم مشوهين نفسيآ والمجتمع مش متحمل اصلآ
فكروا.حبوا.ارتبطوا

مقالات ذات صلة

شاهد أيضاً
إغلاق
زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock