سر الطبخةعام

الارز بالسبيط و الجمبري من مطبخ نيفين منصور


طبق بسيط و سهل و يعتبر وجبة متكاملة وحده ممكن تعملي معاه طبق سلطة بلدي و يتمتعي بقيمته الغذائية العالية ليكي و لافراد اسرتك

مقدمة من / نيفين منصور

مدة التحضير / 15 دقيقة

مدة الطهي / 20 دقيقة

المقادير :
كوبين ارز بسمتي
ربع كيلو جمبري مقشر صغير
ربع كيلو سبيط او كاليماري مقطع حلقت رفيعة
بصلة متوسطة مقطعة مكعبات
2 فصوص توم مفرومين ناعم 
فلفلة حامية مفرومة ناعم
جزرة مبشورة
التوابل ( ملح / فلفل / كمون / كاري / فصين مستكة )
الطريقة :
* في ملعقتين زيت هنشوح البصلة لحد ما تبقى شفافة خالص
* ننزل بالمستكة و نقلب هنلاقي ريحتها ابتدت تطلع هنضيف التوم و التوابل كلها و نشوح كله مع بعضه
* ننزل بالجمبري و الكاليماري و نشوح كله كويس مع بعضه
* هناخد ملعقتين من الجمبري بالبصل و التوم و التوابل على جنب
* على بقية الجمبري و الكاليماري اللي في الحلة هننزل بالرز و نشوح كله تاني مع بعض 
* ننزل بالمية تقريبا 4 اكواب و نص و اول ما يغلي هدّي النار و سيبيه براحته مش تقلبيه خالص
* اما تلاقي المية اختفت تماما منه انزلي بالجزر المبشور و قلبي بشوكة
شوكة يا بنات مش ملعقة لو سمحتم ارجوكم
نيجي لملعقتين الجمبري و الكاليماري اللي شلناهم في الاول هنحطهم في طاسة و عليهم ربع كوب مية و على نار هادية لحد ما يستووا 
قدمي الرز و على السطح الجمبري بالكاليماري اللي سويناه لوحده
و الف هنا على قلوبكم يارب

رئيس مطبخ مجلة سحر الحياة / نيفين منصور

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: