عاممقالات

من يخطف قلب السندريلا .. القمرى ام عبد الحليم حافظ !!!



بقلم الكاتب الساخر مصطفي القمري
• سندريلا : آه م الحب و من اللى رمانى و خدنى إليه ..بعد النار و الشوق إيه تانى راح أمشى عليه

• القمرى:يسلم قلبك من العذاب .. والحيرة ..داانت اميرة القلوب ..

• سندريلا : كفاك تلعب دور العاشقين معى وتنتقى كلمات لست تعنيها .

• القمرى :اقسم انك لن تتكررى انت خارج المنافسة نهائيا ..

• سندريلا : انت بكاش .. مش ممكن اصدقك ..

• القمرى : ليه ياسندريلا .. انت دخلتى قلبى ؟

• سندريلا : احساسى بيقول كدة ..

• القمرى : لو تطلبى البحر فى عينيكى اسكبه .. او تطلبى الشمس فى كفيك ارميها ..

• سندريلا : شوف .. انا قلبى قافلة عليه من زمان بعد عبد الحليم مش هاحب حد .. ماتحاولش تخبط عليه ..مش هيفتح ..لوحتى عملت ايه !!

• القمرى : يوم مانادى عليك خيالي والعيون ردت علية كنت قبل اليوم ده خالي واشتكى قلبي لعينية

• سندريلا : وبعدين معاك شكلك مش هاتجيبها لبر .. انت راجع تانى ليه ..انت عايز منى ايه ؟

• القمرى : راجع بعد الشوق ما ضنانى راجع راجع راجع تاني

• سندريلا : انت تعبتنى ارجوك سيبنى فى حالى .. انا خايفة

• القمرى : خايفة من ايه ياسندريلا

• سندريلا : عالحب أنا بسمع معرفش إيه هوة .. بيقولوا نار تولع في القلب من جوة

• القمرى : بيضحكوا عليكى .. علشان تخافى منه

• سندريلا: شوف بقى .. انا بعمل معاك الحوار ده كله علشان اعرف .. بتحب عبد الحليم حافظ والا لا!!!

• القمرى:طبعا بحبه .. وبحبك انت كمان

• سندريلا : اه يامكار .. يامخادع ..

• القمرى :ليه.. ياست الكل ؟

• سندريلا: كنت عارف سر حبي والهوى مخبيه عليةَ .. ويطاوعك قلبك تسألني عن حبك وانت اللي شاغلني !!!

• القمرى : بتتكلمى بجد ..طب وعبد الحليم حافظ ؟

• سندريلا : هههههههه.. الكلام ده لحليم مش ليك .. فوق ياقمرى .. اصحى .. عبد الحليم هوة الحب الاول والاخير

• القمرى : طب وانا؟

• سندريلا : انت ما بينك وبين الحب دنيا ..دنيا ما تطولها ولا حتى ف خيالك .. اما نفس الحب عندى حاجة تانية ايوة حاجة تانية

القمرى : مالكيش فى الطيب نصيب .. يابيضة


مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: