سر الطبخةعام

فاهيتا الدجاج


من اجمل الوصفات المكسيكية الشهيرة جدا في العالم كله و ناس كتير مش عارفة طريقتها الاصلية و بالتالي مش بتعرف تسمتع بنكهاتها الاصلية و جمالها

النهاردة هنعملها سوا بالطريقة الاصلية السهلة البسيطة
مقدمة من / نيفين منصور

مدة التحضير / 20 دقيقة

مدة الطهي / 20 دقيقة

المقادير :
نصف كيلو صدور فراخ مخلية
فلفلة حمراء رومي
فلفلة خضراء رومي
فلفلة صفراء رومي
بصلة متوسطة و يفضل تكون احمر
5 فصوص توم شرائح او مفروم
عصير ليمونة
التوابل او بهارات التاكو
( نصف ملح / نصف فلفل / ملعقة كمون / ربع بابريكا / نصف شطة ربع زعتر/ ربع توم بودر / ربع بصل بودر)
جبن موزاريلا و شيدر
شرائح خبز تاكو او خبز ابيض مصري
مقادير صوص التاكو :
كوب طماطم مبشورة
تلتين كوب ماء
2 م ك خل
مقدار من بهارات التاكو
م ص سكر
الطريقة :
في طريقتين لتشويح الفراخ
الاولى و هي الطريقة التقليدية :
تشوحي الفراخ في طاسة بزيت زيتون
الثانية و دي طريقتي و بفضلها اكتر :
تشوي الفراخ على الجريل عشان تاخد طعم و لون الشوي و دي الطريقة اللي عملتها
* هنسخن الجريل جدا جدا جدا و نشوي الفراخ تاخد علامات الشوي على الجهتين
* تقطعي الفراخ بعد ما شويتيها شرائح طولية رفيعة
* سخني طاسة تيفال و حطي فيها نقطتين زيت زيتون ( هنحط الزيت بعد ما الطاسة تسخن اوي عشان هو نفسه مش عاوزينه يسخن )
* نزلي شرائح الفراخ و ابتدي شوحيها تنزل ريحتها و طعمها في الزيت 
* تنزلي عليها بالبصل و التوم و التوابل كلها و تفضلي تشوحي و تحطي ربع كوب مية و تهدي النار 
* تسيبيها تستوي و اول ما تلاقيها ابتدت تستوي تحطي شرائح الفلفل الرومي و تقلبي تقليبتين و تحطي عصير الليمون و تطفي النار
لصلصة التاكو :
كل المقادير مع بعضها على نار هادية لمدة ربع ساعة او لحد ما تتقل و اطفي بس كدة
لتجميع الساندوتش :
هتسخني الجريل جدا جدا جدا و تحطي الخبز عليه ياخد خطوط و ريحة الشوي زي مانت شايفة كدة و تلفيه في فوطة عشان مش ينشف منك( الخطوة دي سواء تورتيلا او خبز البيض عادي
افردي الرغيف و حطي مقدار بسيط من صوص التاكو و عليها خليط الفاهيتا و الجبن فوق السطح و لفي سندوتشك و كلي بألف هنا يارب على قلوبكم
رئيس مطبخ مجلة سحر الحياة / نيفين منصور

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: