أدم وحواءعام

كلمتين فى حدوتة ع الماشى مع زوزو

بقلم زينب زكي
لا تسافر إلى الصّحراء بحثاً عن الأشجار الجميلة .. فلن تجد في الصّحراء غير الوحشة .. وأنظر إلى مئات الأشجار التي تحتويك بظلّها وتسعدك بثمارها وتشجيك بأغانيها.

كان يا ما كان يا سعد يا اكرام ما يحلى الكلام الا بذكر النبى عليه الصلاة والسلام

كان فيه زمان زمان ست اصيلة واسمها اصيلة وكمان كان فيها بنتها الشريرة عظيمة ..

ايه اللى حصل ؟؟؟؟؟؟؟ تعالوا نشوف …….

فى يوم من الايام راحت عظيمة تزور والدتها الست اصيلة وبقسوة وحيرة اشتكت من همومها الكتيرة وقالت يا أمى انا فى حيرة خطيرة من مشاكلى مع زوجى الكتيرة ونفسى افوق ومن الهم اروق .. سكتت شوية الست أصيلة وقالتلها الحل عندى بس لو توافقى فرحت قوى عظيمة وقالت موافقة بس اخلص من مشاكلى بسرعة احكى وعلى الحل شاورى .. قالتلها امها لو قدرتى تنزعى شعرة من رأس الأسد بنفسك هتقدرى تحلى مشاكلك وبسرعة استغربت عظيمة وقالتلها ازاى اقدر اعمل كدا .. المهم الام صممت على اقتراحها وعظيمة الشريرة وافقت واتحدت ظروفها وسألت واستفسرت من كل الناس ازاى اخلى الاسد صديقى علشان انزع شعرة من راسه وصفولها الوصفة انها تعتنى بيه وتأكله وبحنانها تغمره ويوم ورا يوم يبدأ يكون منها قريب وشعره من راسه تقدر تجيب وفعلا نفذت الطريقة ووصلت للمراد وقدرت من راسه تجيب الشعرة .. وجريت على امها فرحانة انها قدرت تجيب شعرة من راس الاسد .. ضحكت اصيله الاصيلة وقالتلها .. دا الدرس اللى حبيت اعلمهولك انك تغيرى من طباعك الشريرة وتكونى لزوجك ست اصيلة وتغمريه بحنانك وعطفك ورقتك تملا السعادة دنيتك .. أفضل من جريك وتعبك علشان تروضى أسد .. الحنان أولى بيه بيتك وزوجك .. فهمتى يا بنتى ..

وفهمت عظيمة الدرس وقررت تكون اصيلة وتسعد عيلتها الكبيرة ..

وتوتة توتة .. خلصت الحدوتة .. حلوة ولا ……

دكتورة زينب زكى

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: