كتابة .. رانيا الجعبري
الناس اللي في حياتنا ويستحقوا الشكر معروفين جدا ..
في ناس بقي مش معروفه .. بس يستحقوا يتقال ليهم شكرا اوى ..
كل اللي ظهروا بصوره أو صفات وحشه أو سلبيه علموك وطلعوك انسان كويس .. فعلا كويس …
ازاي بقي ..
الأم اللي بتضرب ابنها في الشارع وبصة ابنها وخوفه وهو بيقول لنفسه ياتري حد شافني وماما بتضربني .. علمتني أن انا مستحيل اضرب ابني .. فبجد شكرا ..
واللي قاعدين في المترو ولا علي بالهم التعبانين .. اكيد عرفنا منهم يعني ايه عدم احترام الكبير وقد ايه فعلا الموضوع سخيف …
اللي بيرموا زباله في الشارع والإحساس اللي حسيته لما شفتهم خلاني أخاف اعدي جنب حد بيرمي ورقه مش انا اللي ارمي … فبرضه شكرا
واللي ازوره ويقابلني بمنتهي البرود وقلة الزوء .. عرفني سواء اللي جاي بيتي بحبه أو أو بكره لازم اقابله احسن مقابله …
(الاحراج وحش) ..
وبيت الأصول دايما مفتوح ..
لما حد بيخرج بره بيته ويلاقي إهانه وبهدله .. بتخليه يعيد حساباته ويحس أن بيته جنه مهما كان …
فبرضه شكرا للي بيهينوا ..
لما تقع في محنه وتطلب من حد المساعده وهو بارد ولا همه حاجه المهم هو حياته ماشيه .. بقوله شكرا .. علمتني
أول محس أن غيري محتاج مساعده أحس بيه واقف معاه ..
لما شفت ناس صحابي مسكوا سلطه أو مكانه كبيره.. واستضعفوا الناس اللي أصغر واستباحة كل شئ حتي الإهانة .. برضه اتعلمت منهم … والحمد الله اني مش مكانهم …
طب و أهلي اللي اختفوا بعد امي .. برضه شكرا
خلوني مستنيه لما أكبر أسأل علي كل أهلي من الكبار للعيل الصغير..
والشغالات اللي دخلوا بيوتنا وسرقوا واستباحوا كل شئ في حياتنا .. علمونا منبقاش طيبين بزياده .. وخلاص مفيش حاجه اسمها أاأمن لحد…
الأخوات اللي بشوفهم غيرانيين من بعض وبيكرهوا الخير لبعض. . خلوني أهم حاجه عندي اخلي ولادي يحبوا بعض…
وأخيرا بشكر نفسي اني قصرت في حق أهلي عشان .مستناش ده من بنتي( بكره تكبر وافهم هي ليه مشغوله عني) ..
الناس السلبيه بتخلينا ايجابيين…
شكرا لأنكم في حياتنا..
