طارق العمري
إخرج من الكادر و بص على الفيو
إمسح عنيك من عتمة الآه و الأنا
و بلاش توتالة و خُش فى التفاصيل
ماهى عبقرية أى مشهد
كامنة فى الرابط مابين
حبة حاجات
زى أوركستر كبير
حجم الآلات فيه مختلف
و الشكل و الصوت و الإيقاع
بس بعصاية صغيرة و نوتة وْ وِدَان
العزف يبدأ ينفجر شلال من الألحان
إخرج من الصورة
و شاهدها من بعيد
و إبدأ فى تشكيل المشاهد كلها
و إنسى اللى كان ..
و إبدأ تمللى من جديد
مدير قسم الأدب والشعر
علا السنجري
