أدم وحواءعام

تجارب طلاق


تجارب طلاق
كتبت شاهيناز عبد اللطيف


من فترة بيدور في دماغي اسئلة واجوبتها عن ايه الاسباب اللي ممكن توصل للانفصال او الطلاق ..بعد ما تعدي الموضوع فكرة الظاهرة واصبح واقع مؤلم ..وليه بيحصل بعد سنيين طويلة مش بس في الشهور او السنين الاولي..بالرغم ان الشكل الخارجي للعلاقة بيكون مبهر والديكور الاجتماعي حلو جدا ..وصلت لعدة اسباب ممكن يكون كلها او معظمها بيأدي للنهاية الغير مرغوب فيها دي…
معلش كلامي هاوجهه للست لانها بنسبة كبيرة هي اللي بتكون ضحية ..ده مش معناه ان الرجل علطوول الخط الطرف الظالم…بس انا مركزة علي نقط محددة بحكم ان اللوم دايما بيترمي عالمراة في مجتمعنا


1.اوعي تضيعي سنين عمرك وتتحولي لشبح امرأه علشان خايفه من كلام الناس او عامله حساب مجتمع فكره عقيم ،علشان ماتخديش لقب مطلقه !!!! لا خدي لقب مجني عليها ومغلوب علي امرها ،هو ده اللي حلو و شيك…!!!..مش كده، لامؤاخذه يعني،،،اتوكسي
2.ماتركنيش مشكله ابدا ولا تستهوني بصغرها ،نضفي الجروح أول بأول،بدل مايربي صديد وانتي مش حاسه وتلاقي الوجع أكبر من طاقه تحملك له.
2.ماتربطيش رزقك ولا رزق عيالك بشخص مهما كانت درجه أهميته فحياتك ، اللي بيرزق النمله في قلب الحجر مش هايغلب فيكي وفضناكي ،ربطتي رزقك بمخلوق ماتنتظريش انصاف من الخالق ابدا.
3.لو عديتي أول قلم علي وشك او أول اهانه لفظيه ليكي أو لأهلك أو إهانة معنوية بخيانه مثلا ،من غير ماتعملي وقفة وتاخدي موقف وموقف صارم ،ماتلوميش الا نفسك لما إهانتك تبقي لبانه فبؤ جوزك وغيره ، او الغدر يبقي سمه فشخصيته، ماانتي عملتي ست العاقلين فالأول، يلا اشربي بأه ، قصدي اطفحي وماتفتحيش خشمك.
4.في اللحظه اللي تبدأي تقارني بين شخصية زوجك وشخصية اي حد تاني وتكون المقارنه مش فصالح شريك حياتك يبقي في غلط لازم تتداركيه يا يتصلح ياإما الصورة هاتفضل تتهز لحد ماتقع تتكسر ، وطبعا عمر اللي اتكسر مابيتصلح ، جمله حافظينها كلنا عن ظهر قلب بس مش بنفهمها،.لو انتي مش حاساه وشيفاه رقم واحد فقلبك وعقلك اوعي تكملي .
5.مستحيل ربنا يحلل شئ ويكون في أذي أو نتيجته تكون أذي لأي طرف ،الطلاق كتير اوي بيكون العلاج ،زي مابنبتر جزء من الجسد أحيانا علشان نحافظ علي باقي الجسم.
6.ولادك لما يبقوا أبناء طلاق وينشأوا اسوياء ،أفضل مليون مرة لما يعيشوا وسط اب وام بينهم علاقه مريضه اسمها؛؛ زواج للحفاظ علي الشكل الاجتماعي ؛؛لازم يطلعوا هما كمان مرضي وهايتحول المجتمع لمستشفي امراض نفسيه كبير ، ان ماكنش بأه كده فعلا.
7.انتي الوحيدة فالكون ده اللي تقدري تحكمي علي علاقتك بشريك حياتك من أول يوم ،انتي الوحيدة اللي بتشوفي اللي اقرب الناس ليكي مش شايفينه ولا حاسينه ، انتي الوحيدة اللي هاتعيشي مرة واحده عمرك ده ، اما تعيشيه راضيه مرضيه ، اما تعيشيه مهزومه متحملة لأسباب ولا ليها علاقه بدين ولا شرع ولا ترضي ربنا من اساسه.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
زر الذهاب إلى الأعلى
إغلاق
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: