سر الطبخةعام

كريب سوبر كرانشي

كريب سوبر كرانشي من مطبخ نيفين منصور
كلنا عارفين ان الكريب وصفة رقيقة و ناعمة و في المععتاد بتكون طرية مش كرانشي لكن النهاردة اخدناها لمود شرقي كرانشي جدا

مقدمة من / نيفين منصور
مدة التحضير / 15 دقيقة
مدة الطهي / 15 دقيقة

 
المقادير :
كوب لبن ( حليب )
كوب دقيق
2 بيضة
2 ملعقة صغيرة زبدة بحرارة الغرفة
رشة ملح و فلفل و زعتر
سمسم
الطريقة :
 
* هنخلط كل المقادير مع بعضها و نسيبها على جنب نص ساعة ترتاح ( مهم جدا تركه يرتاح )
* نسخن الطاسة و ندهنها زيت بسيط اوي و هنشتغل على نار متوسطة اقرب للهادية
* هنحتاج كبشة عشان ننزل بمقدار ثابت في الطاسة
* ننزل بخليط الكريب و نوزعه كويس في الطاسة يغطي سطح الطاسة و نرش سمسم على السطح و نسيبه لحد ما يسيب الطاسة و نقلبه على الجهة التانية
هناخد كل واحدة استوت و نحطها ما بينها فوط مطبخ ورقية 
 
الحشو :
على حسب الرغبة
انا حشيتها فراخ بانيه و جبن مدخنة و خس و موزاريلا
و بعد الحشو رجعت شغلت النار على الجريل من تاني و شويت الكريب على الجانبين عشان الجبن تسيح و السمسم يتحمص زيادة
ملحوظة ,,, اضافة السمسم و الزعتر بتاخد الكريب لبعد تاني خالص
و الف هنا على قلوبكم يارب
مدير مطبخ سحر الحياة / نيفين منصور
 

مقالات ذات صلة

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock