سيد صادق
خدت ايه يا قلبي ..
يا قلبي خدت ايه..؟
غير شوق سهران ف عيني
و حلم بتبكي عليه.. ؟!!
انا قولتلك زمان ..
مش هو ده الحنان ..
لكن عاندت فيا ..
خدتني من ايديا ..
رسمت لي ف عينيا ..
طريق اسمه الأمان ..
و اديك راجع بتبكي..
راجع منه بتشكي ..
و قبل ما تحكي هاحكي ..
و هادلك و هاقولك ..
خلينا زي ما احنا ..
ف عذابنا و ف جراحنا ..
ادينا يوم فرحنا ..
خدنا من حبه ايه..؟
وهمنا سنين طويلة ..
بحاجات حلوة و جميله ..
و صحينا ف يوم و ليله ..
بندور عليه …
يا قلبي انسى الحنين ..
انسى حب السنين ..
انت طالع لمين ..
بتعاند فيا ليه…؟ !!
مدير قسم الادب والشعر
علا السنجري
