شعر وحكاياتعام

غيرة



غيرة 
ابراهيم حجاج

ما تغيريش
يا حبيبتي ابدا ما تغيريش
يعني لو ما قابلتكيش
كنت اعيش
ولاحبك زيه الاقي
لأ
مفيش
هو احساسي اللي حسه
لو لغيرك
كنتي اكيد متحسنيش
ولا صوتي بهمس حبك
يحكي قصة متنتهيش
ولا نظرات التمني
اللي شوقها مينطفيش
الف مليون لمسة ليكي 
والف ضمة مترونيش
وكل لحظة عشق بينا
ده اللي بينا مايتحكيش
ولسة باين ليا غيرتك
طب امتي طيب ؟!!!ما تغيريش
طب لو قلت لك بحبك
قد سنين الدنيا واكتر
قد كل طفل
ييجي وش دنيا 
ويعيش ويكبر
قد رمل جبال وميه 
قد نهربحور شوية
لو قلت لك اكتر واكبر
ليكي حق 
متصدقيش
يعني لو مكتوب علي قلبك بحبك
وانتي جوة وريدي
نبض حياة مبتنتهيش
عارفة لما البرد يوجع
والغطا ميدفنيش
بحس انفاسك تدفي 
كل ليل مبينتهيش
يعني روحي دايبة فيكي
ومهما روحتي متبعديش
يعني اكون لك كضلك
بس انتي ما تزهقيش
يعني ارسملك حياتي 
فوق جبينك
متخافيش
انتي علي جبيني حبيبة
يعني اموت ولا اعيش
يبقي ليه الغيرة اصلا
وانتي فيا مسيبتنيش
ولا اقولك غيري اكتر 
ده لولا غيرتك—-محبكيش


مدير قسم الأدب والشعر
علا السنجري

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: