عاممقالات

نماذج ايجابية











نماذج ايجابية 
كتبت/ .شاهيناز عبد اللطيف

من اكتر النماذج الايجابيه اللي باقابلها فحياتي..هي نماذج البنات او السيدات ..اللي ظروف حياتهم القهريه اجبرتهم علي عدم اكمال تعليمهم او دراستهم..
لكن في نموذجين عايشتهم عن قرب وانبهرت بإصرارهم وايجابيتهم وحابه احكي عنهم..انا هاعمل spot عالمرحله دي بس فحياتهم وماليش دخل بباقي تفاصيلهم قبل او بعد.

الحاله الاولي ☆كانت جارتي برده ومن نفس سني تقريبا ،بس لما جالها العريس اللقطه ابن الحلال ،اهلها فضلوه عن اي حاجه تاني وادوله الاولويه ..واقنعوها تتجوز بعد الثانوي مباشره لا ربما ماتتكررش الفرصه تاني ويجي عريس غفله زيه وفي ميزاته

اتجوزت وخلفت طبعا وانتسبت لجامعه وكالعاده كان صعب توفق بين الدراسه ومتطلبات البيت والاولاد اللي كرووا ورا بعض ، اصبحت الاولويه للبيت وركنت العلام عالرف، وكبر ولادها ووصلوا للاعدادي والثانوي ولما كنا نقعد معاها كانت بطريق غير مباشر بتحب توصلنا فكرة اننا مش افضل منها ، هي شيك ومثقفة وعندها وقت فراغ بتقضيه مابين المولات والكافيهات والاسواق مش ناقصها حاجه بمعني اصح ، لحد ما واحد من ولادها كان في بداية مراحل التعليم وماكنش فاهم حاجه ولما ابوه قاله طب ماتسأل ماما ياحبيبي ..الولد اندهش جدا ..وقاله ايه ده يا بابا..!! هي ماما بتعرف تقرأ وتكتب زيينا ...اد ايه الكلمه وجعتها

وحزت فيها لدرجه انها مانمتش ساعتها وسألتني ، لما انا كده في نظرولادي ياتري في نظر باقي الناس ايه..!!..وعقدت العزم علي استكمال دراستها مهما كان التمن ، ساعتها قولتلها انتي سألتينا كتير ..هو في فرق بيني وبينكوا ..اهو انتو كملتوا وانا ماكملتش ، مش شايفه انكوا افضل بكتير..قلتلها لما تكملي دراستك هاتعرفي الاجابه .. .. .وفعلا قدمت في جامعه مفتوحه واختارت مجال كانت بتحب تقرأ عنه كتير وعرفت اد ايه الدراسه الاكاديميه مهمه والاكتر من كده الخبره اللي اخدتها فالتعامل مع الاولاد القريبين من سن اولادها واللي كان استحاله تعرفها لو فضلت تراقب فيهم وتحرص عليهم عن بعد

الحاله التانيه ☆ لسيده تزوجت رجل لديه طفل لم يتجاوز شهور تركته امه لابوه وذهبت بدون اسباب..الست دي ربته واعتبرته ابنها اللي ماانجبتوش لأن حكمه ربنا ارادت لها عدم الانجاب..وكانت بتفرح بكل يوم بيكبر وبيقف علي رجله ..لحد ماوصل للمراحل التعليميه ، وهي طبعا لم تكمل تعليمها، كانت بتذاكرله يوم بيوم حتي وصل للشهاده الابتدائيه واشار عليها زوجها ان تقدم مع الابن فالاختبارات ..وحصل ..ثم الاعداديه والثانوي ..حتي وصلت لكليه الحقوق..دلوقتي هي من اشهر المحاميات في مدينتها .. ..أثبتت نفسها ووجودها هل الموضوع سهل ..؟؟. لا مش سهل ابدا ومحتاج اراده وعزيمه قويه ..بس النتيجه بتكون مبهرة وتستاهل التعب 
ماتوقفيش طموحك عند حد او علي حد، التعليم مالوش حدود ولو الظروف اجبرتك ففتره من حياتك والفرصه اصبحت متاحه فيما بعد ماتتردديش لحظه..

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: