أدم وحواءعام

رساله امراه




رساله امراه
بقلم / داليا طه


اربعه وعشرين قيراط
كلمه تكررت كتير اربعه وعشرين قيراط وده للناس اللى دايما بيقارنوا نفسهم طول الوقت بغيرهم غيرهم عنده ايه وليه كل ده عنده وماعنديش انا طول الوقت سايب حاجات كتير وماسك على حاجه مميزه عند غيره وهو ماعندهوش الحاجه دى ماسالش نفسه طول الوقت ايه المميز عندى صاحب العين بيفقد لرؤيه نفسه تماما واستغربت اما سمعت احدى المعلمات وهى بتقول حديث عن رسول الله بما معناه ان كثير حيموتوا من كثره الحسد والقران ذكر في اياته عن الحسد وهنا لنا وقفه ليه انا بحسد علشان انا مش راضي عن حياتى طب ماحياتى فيها الحلو والوحش وكذلك من حولى وان ربنا مقسم الارزاق وان مافيش حد كامل كلنا ناقصين وكلنا دايما بندور على اللى يكملنا بس مش النعمه اللى عند فلان هى اللى حتكملنا كل واحد ليه رزق في اب في ام في زوج في ابن في علاقه في شغل في شغل في حب في مال في راحه حاجات كتير لو فصصناها في حياتنا حنعرف ان الله عادل معانا جدا جدا ماهو العادل والرحيم واكيد وجودنا في الدنيا لحكمه وجودنا في دنيا رساله مش معنى انى ناقصنى حاجه وهو عند اخويا اوصحبي او قريبي ان اخويا ماعندهوش مشكله ممكن عند اخويا الم وحرح وحزن وفقر وضيق ومرض وانا ماعنديش الحاجات دى ممكن اخويا ربنا بيعوضه بحاجه يتميز بيها لانه عنده مرض استحاله علاجه ممكن اخويا غنى لكن اصله مش ممتد ماعندهوش الولد وانا ربنا رزقنى بالاولاد وممكن يكون اخويا غنى وعنده اولاد وبيصرف فلوسه وغناه على الامراض اللى مش بتنتهي ومش لاقي الشفا ممكن اشوف قريبتى مجوزه واقولك يابختها جوزها بيجبلها هدايا وبيفسحها وهو غدار وخاين ممكن احسد بنت انها اخدت لقب عانس وعايشه حياتها وبتروح وبتيجى وهى نفسها اخر ليل فيكلمه في طبطبه في حضن ليه دايما بصيين بغيرنا مع ان غيرنا راضي بابتلائه وربنا معوضه كل واحد ليه اربعه وعشرين قيراط متقسمين صحه ومال وزوج وولاد وجمال ومرض وسعاده وحزن وحاجات كتير امسك ورقه وقلم وعد نعم الله عليك وشوف ايه اللى انت مش متميز فيه حتلاقي نعم الله عليك لاتعد ولاتحصي وكتيره اوى احمد ربنا واشكره وحاول تحب نفسك بمميزاتك او عيوبك حترتاح اوى خليك راضي باللى ربنا كاتبهولك وحسن من نفسك وهذبها 
بقلم مدير قسم هو وهى: داليا طه

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: