عاممقالات

كريم جمال السرطان غيرني ورسالتي لكل محارب حبوا الحياة

مجلة سحر الحياة
كريم جمال بطل ومحارب جسور لمرض لعين هو مرض السرطان قوي بقوة ايمانه بالله وعزيمتة الفولاذية هيحكيلنا قصتة الرائعة ورحلتة في محاربة المرض اللعين وهيقولنا ازاي قدر وهيفضل يتغلب وينتصر علبه 

أنا اسمي كريم جمال مريض سرطان لوكيميا اولا اكتشفت المرض من شهر 12/2015الماضي لكن اقبل ما حكي ليكم قصتي مع المرض انا كان ليه ذكريات مش كويسه قبل المرض ان كان واحد قريبي مصاب بسرطان ومش هذكر نوع اي علشان في ناس لم تعرف ان ده ذي مرضهم النفسيه عندهم مش بتبق كويسه مع علينا 
جالي تليفون من عمي اللي هو ابن عم ابوي محتاج شي وان انا لازم اروح ازور احمد ابن عمي اللي كنت بحاول ان امنع نفسي من ان اشوفه بس اقدار ربنا بقا كان اوال يوم في العيد بعد ما الصلاه بساعه جالنا تليفون بيقولو ان احنا نروح هناك المهم علشان مش اطول عليكم راوحنا مستشفي جنب نادي الاهلي روحنا ودخلت علي ابن عمي عمي كنت اول مره اشوف مريض سرطان امام عيني مش في التليفزيون المهم دخلت وشوفت بني ادام مكسور جدا من عينه للاسف مكنش كمل كام شهر واتوفي وبعد كده عرفت ان جدي كمان كان متوفي بسرطان في الكبد 
وبعد كل ده انا مش فاهم وعادي جدا بقول اكيد نصيب وقضاء اخف من قضاء المهم انا شوفت حياته وروحت اعمل ورق الجيش وعملت الكشف وكل الاجراءت لحد سماع السلاح اخر حاجه قبل سماع السلاح بشهر ونص جالي السرطان
 والحكايه بدأت بأني سيت بمغص شديد في المعده مبيخفش من اي علاج اتجهت للاعشاب شويه مجبتيش نتائج معي روحت لدكتور اول واحد قالي مكروب في المعده واعطاني علاج وبرضو نفس النظام مفيش اي تحسن او المغص اللي في المعده مش عايز يروح روحت لدكتور تاني قال حاجة تانية خالص عندك التهاب في القولون خدت علاج برضو مجبش معي نتائج اليوم ده نمت بعد عذاب حوالي ساعتين ولقيت بطني واجعاني جدا جدا وحساس ان في شي بيمشي في جسمي ومش عارف اي ده لحد ما الشي ده وصل لقلبي حسيت بقلبي النبضات بتزيد جدا بطريقه فظيعه وبردو المغص مش عايز يخف 
 روحت لمستشفي عندنا اخذت حقنه مساكن بس للاسف مش اثرت معي باي شي وتعبت تاني بعدها بخمس دقيقه وبعد كده ذهبت مستشفى اسمها الساحل وهناك عملت تحليل والدكتوره شافت التحليل راحت بصت  لأمي وقالت لها روحي علي معهد الاورام وانا مش فاهم يعني اي معهد الاورام المهم راحنا وشوفت هناك معاناة شديدة من المرضى لكن الحمدلله من فضل الله عليه ان ربنا رزاقني بدكتوره جميلة جدا هي تابعت الحاله وعملت بذل في اول يوم اروح في المعهد وكانت عايزه تحجزني في  بس انا رافضت والحمد لله جيت تاني يوم واتحجزات وخدات الجراعه 
وهنا بقا حياتي كلها اتغيرت 180 درجه فعلا من خوف اهلي والبكاء عليه ومن القلق ال انا عايش فيه ومن مرض كل ال اعرافو عنه ان اخراو معي موت المهم حوالت بس الحمدلله ربنا رزاقني بناس واقفو جنبي وساندوني اواي
 انما المرض ده عرفني حاجات كتيره هي انه وضحلي حاجات مكنتش اعرافها عن اصحابي واهلي ان في ناس كتير منهم اتخلو عني بيحسبوني ان انا هموت خلاص بس الحمدلله اأنا لسه علي قيد الحياة بفضل الله
 وبعدين احب اقوال للسرطان شكراً لانك عرفتني حب الناس لي اقد ايه وبعدت عني الناس ال مش بيحبوني وهي دي قصيتي ولسه عندي امل وبقول الحمد لله 
تاني حاجه بقا حابب اتكلم معاكم فيها
هحكي ليكم تجربة كده كانت في حياتي مع مرضي بس بشكل صغير وشكل جميل بس التجربه دي بعمل بيها في حياتي 
وهي أن قدره وقوة السرطان مش كبيره خالص معظمكم يسمع ان هي قدرته كبيره ولكن هتثبت ليكم العكس
السرطان فعلا قدرته محدوده هو ولايستطيع ان يغير الاشياء الجميله ولا يستطيع ان يمحي الذكريات السعيده من الذاكرة ولا يستطيع محو القلب ولا يمنع الحب 
بالنسبة ليه حياتي قبل السرطان يعتبر كانت مكتوبه بقلم رصاص يعني سهل المسح يعني حياة كانت بدون اهداف ولا امل ولا اي شي انا عايز كل واحد يخلي كل حاجة في حياته الفتره الاوله يكتبها بقلم رصاص علشان تكون سهل المسح ليها ولم يتاكد ان هي تجربه كويسه وهو مستفيد منها يحولها ويمسح الكلام اللي بالقلم الرصاص ويحوله لقلم ازرق 
هقولكم كانت حياتي عباره عن حاجات روتينيه عاديه جداً بس لما جالي السرطان انا فعلا مسكت الاستيكه من اول يوم واقعدت امسح امسح في حياتي لحد ما يعتبر مسحت 80 في المائة منها هي نسبه كبيرة بس صدقوني ده حصل وده فرق معي كتيره جدا
 وبعد كده مسكت بقا القلم الازرق وبكتب بي الان حياتي  انا شايفها حلوة وانا شايف ان السرطان كان فعلا مسار تغير في حياتي ولسه قلبي هو هو ولسه مخي هو هو ولكن حياتي مش هي هي حياتي افضل الان بجزء بصدقائي القدماء هو قليل بس موجود وبقا اجمل واجمل بكل اصدقائي الجديدة كلها ان كانوا مرضي او كانو عادين وده عادي جداً وانا فعلاً بقا شي من الشجاعة والثقة بنفسي بطريقه كبيرة جداً موجود علشان التجربه دي تعتبر تجربه جميله رغم انها كانت مؤلمة لكن كانت جميله والامل موجود طول ما الله موجود والايمان بالله اجمل وسيله تقدر تغلب بيها اي كان مفيش شي صعب الصعب هو الصعب اللي احنا بنخلقو زي ما بنخلق كل شي سلبي في الحياة
السرطان كان عندي محور حياة وانت ممكن يكون ازمتك دي نقطة قوة مش نقطة ضعف بص لكل شي في حياتك من الناحيتين 
انا حكيت ليكم جزء يعتبر جزء مهم بنسبه ليه يارايت يكون كل واحد فيكم استفاد حتي لو بكلمه 
وانا مستعد اسمعكم كلكم ونتكلم مع بعض في اموار الحياه والدنيا كلها وانا كمان فاضي ان اي حد عايز يتكلم معي يتكلم ونساعد بعض انا ايميلي موجود ل اي سؤال او اي طلب او اي صداقه او اي مساعده انسانيه اولا قبل ماتكون مساعده فيها غرور حشا لله
وده كمان جزء من كلام اصدقائي مرضه سرطان برضو
السرطان مقدرش ياخد منى ثقتى بربنا وحبي للناس واصرارى على الحياة والامل انى هكون كويسة فى يوم ما …..مقدرش ياخد منى أكبر من حجمه انه مرض زى اى مرض له بداية ونهاية ……..مقدرش ياخد منى اهتمامى ببيتى واسرتى …..مقدرش ياخد ثقتى فى نفسي ……..مقدرش ياخد حب الناس الى حواليا طول ما احنا واثقين ان ربنا مش بيكلف حد فوق طاقته يبقي احنا نقدر نهزم السرطان
السرطان علمني اكتر حاجة عمرها ما تخطر على بال حد فعلا و كل الناس ديما بتفتكر العكس
(السرطان علمني أعيش) 
(السرطان علمني يعني ايه اعافر) 
(السرطان عرفني ان ربنا سامعنا ديما و مبينساش حد) 
( السرطان علمني اني اقدر اعمل كل حاجة و حدود أعمال بيحدد علي حسب انا خيالي يقدر يوصل لفين) 
(السرطان عرفني قيمة الناس البحبهم و خوفي عليهم) 
(السرطان خلق جوايا شجاعه مكنتش متوقعها) 
الخلاصة
#السرطان_خلاني_انسان_احسن
السرطان ممكن يخليني عاجز جسديا او يضعفني بدنيا لكن عمرو مايقدر يمس بعقلي ولا بقلبي ولا بروحي عشان كده طول ما فينا نفس وقلب بينبض وعقل واعي نقدر نكمل للنهايه
انا مقدرتش احقق حلمي الي بحلم بيه من زمان الا لما جالي سرطان … مش علشان خايفة اموت لا … عشان عرفت قيمة كل يوم الشمس بتطلع فيه وانا لسه فيا نفس عشان لما اروح لربنا اقوله يارب انا حققت حلمي … 
وكمان من مميزات السرطان #انها قوتني اوي شجعني جداً بجد خلاني مش عمله حساب لاي شي غير لربنا وبس مع العلم اني شخصيه هاديه وضعيفه جداً بس بعد ماشفت المرض ده وانا شخصيه جديدة اتولدت معاه وانا حباها جداً والحمد لله بعد تغلبي علي المرض قوتي زادت اكتر 
عيش حياتك مهما كانت وحب الحياه مهم كانت ومنتظهر التعليقات ومنتظهر نشارك تجرب بعض واللي عايزه يشارك خاص مفيش مشكله تحت امر اي شخص محتاج مساعد احنا في الاول وفي الاخر اخوات في دين الله اي كنت مسلم مسيحي كلنا اخوات واخوات كمان في بلد وحده
اخوكم كريم جمال
واخر الكلام مع اكتر الاغاني اللي بتعجبني هي اول اغنيه لمدحت صالح 
النور مكانة فى القلوب
أحضن خيوط شمس الغروب
يا تكون قد الحياة
يا تعيش وحيد وسط الدروب اليأس ضعف وخوف جبان لاكن الآمل مفتاح ببان يا تكون قد الحياة يا تعيش وحيد وسط الدروب المس خضار الشجر حس بضياء القمر أنقش قلوب عالحجر على شئ متندمشي يمك أوام عدية امشي الطريق امشــي
العمر اية يروية غير قلب ميخافشيالنور مكانة فى القلوب أحضن خيوط شمس الغروب يا تكون قد الحياة يا تعيش وحييد وسط الدروب فى ناس كتير ترضي المصير وناس تشوف بضمير ضرير يا تكون قد الحياة يا تعيش وحيد وسط الدروب حلي مرار الايام لسة الحياة قدام قوم لون الاحلام واوعى متضحكشي جسدك فى قلبة الروح تداوى كل جروح بالسر اوعي تبوح واياك متحلمشي 
وتاني اغنيه لتيم مسار اجباري 
وتقع وتقوم و تقوم و تقع فى الفرح دموع ودموع يا وجع
مين قال مقسوم كداب يا ودع انت اللى فى ايدك طرف الخيط
فى الزحمة وشوش جاية و بتروح خايف على قلبى يبات مجروح
ضحكة من الحلوة ترد الروح تفتح شبابيك و بيبان البيت
انا صابنى الحزن ماقولتش ليه وعاندنى الحزن قدرت عليه
ويا بحر حلفت انى اعديه و يفوت العمر لو استنيت
دقيت على الصبر فتحلى الباب و حكالى هموم كل الاحباب
ويا فرحة اترسمت بعد غياب و قالتلى اتفضل لما ناديت
الحلم ما راح والكون مشاوير الغنوة جناح ياخدك ويطير
ده العشق ملوش اصل وتفسير ويبان فى عيونك مهما داريت
انا صابنى الحزن ماقولتش ليه وعاندنى الحزن قدرت عليه
ويا بحر حلفت انى اعديه و يفوت العمر لو استنيت
الناس فوازير وسطور حكايات وساعات براويز وساعات متاهات
ودموع بتدوب وسط ابتسامات تضحك ميعادك لو حنيت
مكتوب للغايب يوم هيعود مكتوب للغصن يضم ورود
من حضن الليل فجرك مولود وتبات ونبات زى الحواديت
انا صابنى الحزن ماقولتش ليه وعاندنى الحزن قدرت عليه
ويا بحر حلفت انى اعديه و يفوت العمر لو استنيت
واخر رساله ليكم حبوا الحياة

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: