شعر وحكاياتعام

العصافير ماتكبرش


ثروت بديع

وجع الروح لو إنسطر يا أما

كيف تكفيه السطور و منين

دا الوجع رابض جوه الجوف

بيسطر جوع بيسطر خوف

ويحكينى وأنا صغير

ويبكينى كل سنينى

بدون تغيير

أنا عمرى ماكنت كبير

أنا دايماً طفل متشرد

بيتشعلق فى زقزيقة

شاف عصفورة بتغرد

وكان حلمه مرة يطير

وسط سرب م العصافير

موش عشان يفرح

ولا يكبر

وكيف يا أما تكبر العصفاير

لكن عشان لقمة ع الشجرة

ياخده جناحة يروح لبعيد

يمشى بلاد يخطى بلاد

لكن نبلة الصياد

كانت واقفة بالمرصاد

ولما تصيبنى بتهلل

وبتنشن على قلبى و انا عيل

بيتنشق على لقمة

على هدمة

تستر ر وحى ساعة البرد

بدال ماتنطط زى القرد

و اقول حتى لو بالكدب

خلاص ياما مانيش بردان

مانيش تعبان

خدينى ف حضنك العريان

يمكن الدفا يجينا

و اهى ليلة شتا وعدت

بتغمز غمزة لأول صبح

عشان يستلم خوفى

و املا بالضيا جوفى

واصرخ يا اما

خلاص بقيت شبعان

و اموت

مدير قسم الأدب والشعر

علا السنجري


مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: