عاممقالات

انا من البلد دي


انا من البلد دي

كتبت : شاهيناز عبداللطيف

بمناسبة ذكري نصر اكتوبر المجيد 

اخدنا فالتاريخ زمان ان في سيدة تدعي ، (اياح حوتب) ،..لما عرفت بوصول الهكسوس لشمال مصر وعاثوا فيها فسادا وقتلا ..شجعت زوجها وفضلت وراه وهاتك يا زن لحد ماراح يحاربهم ، واستشهد ، وهو في ارض المعركة ..(سقنن رع) .

قعدت تندب حظها وتقول ياريتني ماقلت ولا طلبت منه وازاي ها اربي العيال اليتامي اللي سابهم لي دوول !!!!…لا خالص

ادورت علي ابنها الكبير البكري بتاعها واول ماشافت عينها وقالتله مانتش بايت فالبيت الا ماتروح تجيب تار ابوك من ولاد الفرطوس دول ..يا تخلص عليهم يا اما يخلصوا عليك….وقد كان وراح الولد يحارب بكل شجاعة لحد ماحصل ابوه

تجيب الطين هي وتحطه علي راسها وتقعد تحط ايديها علي خدها زي صورة عبلة كامل اللي معانا فكل مناسبتنا.!!!.لا والله مايحصل 

قامت فطت وقفشت فابنها الصغير واللي ممكن مايكونش فاضلها غيره وقالتله قوم مانتش مكمل فطارك وروح هاتلي بتار ابوك واخوك ونضف بلدي من الانجاس دوول..

خاف الولد اللي ماكنش مكمل 18 سنة وقالها ..طب اخلص الجيم ده يامامي وبعدين افكر..!!!..

لا مافكرش وطار عالشمال وحارب وانتصر وبأه..#احمس البطل اللي معظمنا حافظ اسمه ومايعرفش تاريخه 

هما دوول ستات مصر اللي بيخلفوا رجالة ..الست الصعيدية اللي ابنها استشهد وبالرغم من كده قدمت التاني ومعندهاش مانع تقدم التالت والرابع ..اصل هي مش هاتجاملنا فعيالها ..

هما دوول ستات القدماء المصريين ودوول الستات حفيداتهم ..تركيبة كده في جيناتننا ..اللي ممكن تكون اتلوثت واتلطت شوية بس النضيف لسه موجود ، هما دوول اللي محافظين علي ارضها وعرضها واللي الرسول قال عليهم خير اجناد الارض..

مقالات ذات صلة

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock