أدم وحواءعام

المشروبات السحرية


شيف شطورة سالي سليمان
تعالوا نتعرف على بعض المشروبات اللذيذة الطعم العالية القيمة ، ازاي نعملها بنفسنا و ايه فوايد كل مشروب
سموزي الرايب و السبانخ
الرايب مليء بالخمائر اللي بتساعد على سهولة الهضم ، و السبانخ عالية في الحديد و الكالسيوم و نزود معاهم موز العالي في البوتاسيوم و ده معدن مهم جدا للنمو و تحسن الحالة المزاجية و عسل نحل و طبعا ده غني عن التعريف بفوائده في دعم المناعة 
طريقته 
في الخلاط نضيف كوب رايب، موزة، معلقة عسل نحل ، 4 ورقات سبانخ و نضربهم و نشربهم بدون ما نصفيهم
زبادي خلاط بالشوفان 
الزبادي زي الرايب عالي في الكالسيوم و بيسهل الهضم، أما الشوفان فهو غني في الألياف و مشبع جدا و كمان عالي في الماغنيسيوم و البوتاسيوم و دي معادن جسمنا بيحتاجها للنمو و خاصة الأطفال الرياضيين ، و بردو نضيف فاكهتنا المفضلة زي الجوافة مثلا لانها عالية في فيتامين سي و ده معروف بتقوية المناعة و نحليه بعسل النحل 
في الخلاط علبتين زبادي و معلقتين شوفان و حبة جوافة منزوعة البذر و معلقة عسل نحل و يشرب بدون تصفية
مشروب المناعة 
عصير البرتقال لو ضربناه مع الكيوي و الفراولة في الخلاط نبقى اخدنا جرعة عالية من فيتامين سي تساعدنا على مواجهة أمراض المناعة و أشهرها نزلات البرد
مشروب قوس قزح 
دايما في المطاعم بيقدم مشروب غالي الثمن عبارة عن طبقات عصاير فوق بعض 
العصير ده ممكن نعمله بنفسنا و بالمكونات المفضلة لينا و نوفر مبلغ كبير ، المهم بس اننا نختار الفاكهة اللي عصيرها تقيل و ما نخففهاش بالمية و احنا بنضربها في الخلاط زي المانجو، الجوافة، الفراولة، الكيوي، المشمش، البرقوق الأحمر 
نضرب كل نوع فاكهة على حده في الخلاط مع شطف الخلاط جيدا بين كل فاكهة و التانية عشان الألوان ما تختلطش 
و طبعا ما نصفيش العصير غسان نحافظ على القوام 
و نصبهم فوق بعض في كوب طويل شفاف 
و كده هتكون زي سلطة الفواكه لكن في كوب و نستفيد من فوايد الفواكه المختلفة 
ممكن اضافة القليل من العسل للتحلية
الجرانيتا 
ممكن عملها من أي نوع فاكهة لكن افضلهم الفراولة 
نضرب ثمار الفراولة المقاطعة صغيرا في الخلاط بدون تخفيفها 
تصب في صينية بايركس واسعة و تدخل الفريزر و كل نص ساعة نخرجها نقلبها بالشوكة كويس اوي و ندخلهم الفريزر تاني 
في النهاية هيكون عندنا حبيبات عصير مثلجة ممكن تقديمها مع بعض أوراق النعناع الفريش المفرومة و كده نستفيد من فيتامين سي في الفراولة و خصائص النعناع المهدئة
مشروب الشيكولاتة بالقرفة 
هنحتاج لكل فرد نص كوب ماء ، نص كوب لبن مثلج ، معلقة صغيرة قرفة ، معلقة كبيرة كاكاو خام غير محلى ، معلقة متوسطة عسل اسود 
في إناء غويط نغلي القرفة مع الماء لمدة خمس دقايق 
نضيف الكاكاو و نطفي النار و نقلب كويس و نسيب الخليط يبرد تماما 
نصفي الخليط من أي شوائب و نضيف العسل الأسود و اللبن المثلج و نقلبهم ممكن نضيف بعض قوالب الثلج للحصول على مشروب صيفي منعش 
الكاكاو الخام معروف بفوائده في تحسين المزاج ، القرفة مقاومة للأكسدة و مجددة للخلايا، أما العسل الأسود انصح بيه للأطفال في سن النمو خاصة الأطفال المصابين بالانيميا
مدير قسم هو وهي داليا طه

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: