شعر وحكاياتعام

إسمي شهيد


       نورا عامر

قالوا زمان إن ترابها
يساوي رقابنا
 يساوي أرواحنا
يساوي أمان الضحكة النايمة
في عين أولادنا..
ربو الجدع الرايح جيشة
على ريحة البدلة المطوية
بدم شهيدها ومتحنية
شايل حلمه ودبلة ف ايده
وجوه القلب يدق النبض
“اسمي شهيد”
شوف يا جميل القلب يا طاهر
صاحب البدله اللي اسمه شهيد
كان متصدر خط حديد
كان ورا منه الكل شهيد
أما الحال يا شهيد دلوقتي
اننا ألف فصيله ودين
اننا سيبنا الدود ينهشنا
واحنا في طوق بعضنا ماسكين
كلنا ريس… كلنا فاهم
كلنا عارف… كلنا لازم
فكر دماغنا يكون الغالب
واحنا في وسط النار تايهين
وأما مراية الحق تصرخ وتورينا وصلنا لفين
نبكي على البدلة اللي بترجع
من غير حلم وبني أدمين
والأدوات عندنا جاهزين
صورة الأسود في العناوين
وشريط مايل على براويز
هربوا أصحابها أصلنا ضالين
ياللي دفعت العمر هدية
واتمنيت تحميلنا بهية
بإسم الوطن التايه بينا
وبإسم الحق الضايع فينا
قلمي مطاطي الراس بيقولك
اننا ليك ” كلنا أسفين”

            مدير قسم الادب والشعر
علا السنجري

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: