عام

شيل إيدك من على خدك


كتب

         محمد علي


شيل إيدك من على خدك و نحزن ليه 

ده أنت حبيب الشهيد مين قدك و هعرفك بيه 
هو ضحى علشانك بس أنت متعرفهوش 
هو خد الرصاصة بدالك و وجعها أنت محستوش 
هو إللي على خط النار و أنت مبتشفهوش 
بقولك شيل إيدك من على خدك و نيأس ليه 
ده الشهيد حبيب الله و فى الجنة تلاقيه 
ده أرتاح من شر الدنيا و ظلمها و زمان الفرحة جوه عنيه 
سبل عنيه بوس كتفه أحضنه و ضم إديه 
طمنه و قوله وراك 100 مليون شهيد
و حقك راجع مع شروق الشمس أكيد 
و يلا شيل إيدك من على خدك و خد سلاحك بإديك 
شد طولك و حيلك إضرب الأرض برجلبك 
إرجع من تانى لهمتك خلى الشرار يطق من عنيك 
خد حق صاحبك حق صاحبك دين عليك 
يلا شيل إيدك من على خدك و قوم يا مصري 
يلا إزرع بدمهم الطاهر الصحراء إللي حواليك 
قوم إبني و عمر قوم دافع و إتعب و إعرق و إسهر 
و فالأخر كله هيعود من تاني ليك 
بس شيل إيدك من على خدك دي حبيبتك الغالية 
مصر أم الدنيا من تانى بتناديك …


شيل إيدك من على خدك … و نحزن ليه …


شهدائنا الأبطال 

رحمة الله و مغفرته و رضوانه عليهم 

مقالات ذات صلة

شاهد أيضاً
إغلاق
زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock