عام

ماجبتكيش

   

     

         ثروت بديعج
بصراحة ماحبتكيش
رضى قلبى يبات درويش
ويتمرمغ على اعتابك
 على بابك يبات مظلوم
يعيش مهموم
يتزمزأ و لا يشكيش
وف الصلاة يزيد الجهد
عجبتنى صورة القديس
و حالة الزهد
وحفظ العهد
وتقسيمة الأدوار
وكام تمجيد
 ورفع بخور ورقية دار
وهالة نور وجنة ونار
واتعزم والف الجسم
تدوخ الروح
فى دق الزار
و ابان انى انا المغلوب
انا العاشق انا المدبوح
انا المصبوغ بالوانك
 وقدرتك وسلطانك
لكن دايماً وانا مروح
مابين جدران وجدران
ازق والق واطوح
واعود والف بالمندار
 واستغرب 
 انا مين !!
انا مين الى خدنى هناك !!
و الصبح ابص م الشباك
أحب الضي وانساكى
لكن لما يبجى الليل
ارجع احن  للقياكى
 واعيد الكرة كام مره
لكن جوه الوجد والاحساس
عايز اصرخ لكل الناس
بصراحة ماحبتكيش
 وكل الطقس من بره
           
           مدير سم الادب والشعر
            علا السنجري

مقالات ذات صلة

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock