شعر وحكاياتعام

اوبريت .. ( اتكلمي يا مدينه )


      سيد صادق

الناس :-
اتكلمي يا مدينه .. ساكته ليه حزينه
اتكلمي و قولي … عن اللي بيجري فينا

القدس :-
انا غير كل المدن .. لا دمشق و لا عدن
انا روح و انتوا البدن … و ازاي نسيب بعضينا

الناس :- 
لابسه توب الحداد … علي خالد او زياد 
بكره هتضحك عيونك … بايدين كل الولاد

القدس :- 
صبرت كتير لقيت … بضيع بيت ورا بيت 
صليت انا صليت … لكن زاد البعاد

الناس ( بثوره ) :-
و حياة كل اللي ماتوا … و حياه كل المداين 
ل نحررك يا غاليه … و ندوس علي كل خاين 
الكف و فيه سلاح … جايب شمس الصباح 
هتطيبي يا جراح … هتعود يا اقصي لينا 
اتكلمي يا مدينه.. ساكته ليه حزينه؟!

******************************
الناس :-
ازاي سجنك يطول … مش ممكن ولا معقول 
فيكي جانا المسيح … منك اسري الرسول

القدس :- 
مع انكم ملايين .. سبتوا السكه اليمين
نفسي ف يوم حطين .. نفسي ف همي يزول

الناس :-
و حق الإله المعبود .. ل نخطي ع الحدود
ولا يوم هتنامي تاني .. وانتي ف حضن اليهود

القدس :-
سنين فاتت كتير .. واقصاكم أسير 
كل اللي جي خير .. بس اوفوا ف الوعود

الناس بثوره :-
و حياة كل اللي ماتوا .. و حياة كل المداين 
هنحررك يا غاليه .. وندوس على كل خاين
الكف و فيه سلاح .. جايب شمس الصباح 
هاتطيبي يا جراح .. هاتعود يا أقصى لينا 
اتكلمي يا مدينه.. ساكته ليه حزينه؟!

مدير قسم الادب و الشعر
علا السنجري

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: