شعر وحكاياتعام

اه يا بلد


بقلم وفاء العشرى
*بقنا نام ونصحا علي كوابيس
كل يوم بيزيد الهم مش عارفين نعيش 
والبسمة ماتت وغرقت في النيل 
وانا قاعد في ظل الشجر العريانة
بستنى الوعود 
حتى المطر حبسوه 
والزهر يا حرام عطشان 
قولولي مين يرويه 
والميه في قصر السلطان ..! 
والسلطان مسَّكَرْ على حاله كل البيبان . 
وجنبه طبال وزمار 
كفاية يا طبال ,,, أصل المزمار تعبني وصوته ميغطيش صرخة طفل جوعان .
وابوه المسكين شقيان , حيران 
ويده على خده ,,,,, وام الولد الجعان في الزوية حزينة
بتنام وتقوم ,,, مش عارفه للنهار لون 
ايه يا بلد 
ايد شقيانه ….. وايد بطبل 
والولد مش عارف يتعلم 
وشاب بيشيخ صعب يبقى عريس 
وبنت محرومه من زفه وكوشه 
والشعب خلف الكواليس 
من غير صوت ولا صوره 
ستاره مرفوعه على ناس فوق 
فوق الدنيا ليهم نغمه وصوت وصوره
ياطبال فوق فى السما رب بيسمع 
ميخلفش الوعد 
بكره للظالم يوم , وحساب عسير 
والطاووس ميهموش 
واقف فارد جناحه 
ويغني على طول 
والناس بتصفق 
علفاضي والمليان 
يا اخي كفاية كدب وضحك 
كله كلام في كلام 
والغلبان حيفضل يستنى 
هيموت مهموم
من الحرمان والجوع
___________

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: