شعر وحكاياتعام

أشتاق لك





صائغ القوافي الشاعر 
فهد بن عبدالله الصويغ 
أشتاق لك بكل دقيقة
و بكل لحظة و بكل ثواني
أشتاق لك و البعد ما أطيقة
ومن بعدك يا عمري أعاني 
غرامك خلى القلب حريقة 
وانت اللي أقسمت ماتنساني


عجزت أفهم إشلون تبعد 
وإنت من قال إني هواك
إشلون قدرت تخلف الموعد
وخليتني أنتظر موعد لقاك
تركتني على الشط أقعد
أنتظر نور محياك

ايش جاك ويش اللي جرالك
خلاك تنسى موعدي اليوم
ليت من يطمني على حالك 
ويطمن الشوق من اللوم
صعب علي يا عمري وصالك 
أخاف أجيك ألقاك مهموم

ياقمر روح وأسأل عن هواي
بلغه إني مشتاق أشوفه 
طمني جاي ولا ماهو بجاي
خلني بس أعرف ظروفه
وإن لقيته لموعدي نساي
تقبل عذره وقبل حروفه

و إن لقيته غير خط سيري
بلغه يا قمر مني السلام 
دامه متهني يا قمر بغيري
حرام تذكره بيا حرام 
ربي يسعده مع غيري
ويجعل دنياه يا قمر سلام

25-1-2018

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
زر الذهاب إلى الأعلى
إغلاق
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: